HLAZY 25:3 - Mara Bible RV (BSI)

³ Nâma châ hâtuhpazy cha, Maophyuhpa ta y leipa aw ei ta, Piehpie aohraohpazy deikua cha, Maophyuhpa ta ama y aw.

HLAZY 25:3 ပူးပေါင်းရင်းမြစ်များ

ÂTHAONA 49:13

“Zebulawna cha tilaipi kiah liata pahrâ aw ta, Balyh pahâna raphyu châ aw ta, Sidaw taihta a râhri a tlô aw.

1 THÂTIHZYRONA 10:13

Sawla cha Abeipa châta ngâ â chhih leipa vâta a thi hapa a châ. Abeipa biepiepa zyh leipa ta, pachaothaipazy tlao a saohiah ta a pachaosa tyh ei.

HLAZY 109:3

Ahaona bie ta na chadô ei ta, A chhâpa y leipa ta einâ dyuh ei.

HLAZY 119:78

Apalaipazy cha haipa ta eina teipa vâ ei ta, Maophyuhpa ta y ei sala; Kei deikua cha, Na pachuna biezy ei pachâ tyh aw.

HLAZY 123:2

Chakaotuhpazy mo ta ama zibeipa ku moh ta, Chakaotuhnô mo ta a zibeinô ku a mopa hawhta, Keima mo chhao Abeipa eima Khazohpa lâ moh ta, Zawh miah â ngiah hlâlei a moh tyh.

HLAZY 132:18

A chariahpazy nozana ta tobi aw ei na ta, Ano lakho deikua cha a khaih lymâ aw.”

HLAZY 22:6

Kei deikua cha chyhsapa châ leipa na ta, Châkariepa dei châ na ta; Chyhsazy mohnaopa nata pasipasawhpa ei châ.

HLAZY 27:14

Abeipa cha hâ la, Thatlôpa ta y mah y! Abeipa cha hâ la, Riahphapa ta y mah y!

HLAZY 31:17

Hy Abeipa, nâ ei cha pado hih, Maophyuhpa ta na paysa khah y; Moleipazy cha maophyuhpa ta soh la, Sidiapa ta Athihkhih lâ sie mawh ei sy.

HLAZY 31:18

Hmao haiphiahpazy reihpathlie thei leipa ta y mawh ei sy; Haiphiahpazy cha apalaina nata mohnaona ta bie ei ta, Mosiapazy a reipachhie tyhpa ama châ.

HLAZY 33:20

Eima hro ta Abeipa cha hâ ta, Ano cha miah baotuhpa nata eima vyhphao a châ.

HLAZY 35:26

Ei chhiena liata a lytuhpazy cha, Maophyuhpa nata hnabeidypa ta y ei sala, Nâ palai thlupazy cha, Hmiachhiena nata nohzaona ta tobipa châ mawh ei sy!

HLAZY 37:34

Abeipa cha hâ la, A lâpi a chhih mah y; Cha cheihchalopa ta, Râh ryu cha patosa aw ta, Moleipazy chhawh pathlahpa ama châ nota na hmô aw ei.

HLAZY 6:10

Ei chariahpa zydua nozapa ta y aw ei ta, Thata ama pachâ a rôh aw; Kua aw ei ta, Thlai ta ama maophyuh aw.

HLAZY 62:1

Ei hro he Khazohpa lia dei ta apahâna hmô ta, Ano tawhta ei pachhana a vaw tlô.

HLAZY 62:5

Ei hro ta Khazohpa deita hâ ta, Ano tawhta ei hnabeiseihna a vaw tlô.

HLAZY 69:4

A chhâpa y leipa ta nâ haotuhpazy cha, Ei luh liata ei sâzy hlâta hluh via ei ta, Parao awpa ta haipa ta nâ teituhpazy chhao, Ama thatlô ngaita. Khâpa hmo ma ei paru tly, Tahmâ ei thô heih awpa cha?

HLAZY 69:6

Hy Pheisaihzy Abeipa Zehôvâh, Nâma châ hâtuhpazy cha, Keima vâta nozapa ta y leipa ei sala; Hy Izarei Khazohpa, Nâma châ tluatuhpazy chhao, Keima vâta hmiachhiepa ta y khah ei sy.

HLAZY 71:13

Nâ leihtuhpazy maophyuhpa ta leidia ei sala, Pasasa nâ chhuahpazy cha, Mohnaona nata nohzaona ta khu mawh ei sy.

ISAI 25:9

Cha noh liata hetana heta ama tah aw: “Moh teh u, he he eima Khazohpa cha châ ta, Miah pachha awpa ta eima hâpa Khazohpa cha a châ hih. He he Abeipa cha châ ta, Ano tlai he eima hâpa a châ hih. A pachhana liata a ly ei sih la, Thaphapa ta y ei suh u.”

ISAI 40:31

Abeipa a hâtuhpazy deikua cha, Ama thatlôna pathieh aw ei ta, Pahmôhpi hawhta mathlaw ta amâ zaw aw; A râ aw ei ta, Ama tha chhâ leipa aw ta; Sie aw ei ta, Panao aw veih ei.

ISAI 49:23

Beizy cha châ mohôhtuhpa na pawzy châ aw ei ta, Beinôzy chhao sâhpi ta châ chhytuhpa na nôzy ama châ aw. Ama hmia alei lâ a khupa ta, Na hmiakô liata a bôh aw ei ta; Na phei dohlei ama cha paliepa aw. Chatanachata kei he Abeipa ei châ tahpa pahno aw chi ta, Keima nâ hâtuhpazy cha ama hnabeidy aw vei.”

ZEREMIAH 20:11

Châhrasala Abeipa cha, Pasaipha chichhihpa hawhta ei hnohta y ta, Nâ taolatuhpazy cha pao aw ei ta, Na pahnie aw veih ei. Ama hlao a tloh lei awpa vâta, Nozapa ta ama y aw. Ama chhâzaw nohzaona cha, Mypa ta y beih aw vei.

CHAPHÔHTUNA 3:25

Abeipa cha ano a hâtuhpazy châta pha ta, Ano a tluatuhpa hro châta a pha.

MIKÂ 7:7

Kei deikua cha Abeipa lâ ei moh aw; Ei pachhana Khazohpa hâ aw na ta, Ei Khazohpa ta einâ thei aw.

ZAWHÂNA 15:25

Ama ryhpa châbu liata, ‘A chhâpa y leipa ta einâ hao ei,’ tahpa bie ropa kha a vaw tlô nawpa ta a châ.

RAWMA 8:25

Eima hmô leipa eima hnabei a seih khiahta deikua cha, palôh pasi kawpa ta eima hâ lylia tyh.