HLAZY 25:10 - Mara Bible RV (BSI)

¹⁰ A biehrai nata a ryhpa a zyhtuhpazy châta la, Abeipa lâpi zydua cha kyhpachâna nata ngâchhihna sai a châ.

HLAZY 25:10 ပူးပေါင်းရင်းမြစ်များ

ÂTHAONA 17:1

Abarâ cha kô sychaki nata kô chaki a châ nahta, a hnohta Abeipa a vaw luah ta. Abeipa ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y.

ÂTHAONA 24:27

“Ei zibeipa chô liata ngiachhiena nata biedopa a thlyu beih leipa Abeipa, ei zibeipa Abarahâ Khazohpa cha reithaipa ta y mawh sy! Kei chhao he Abeipa ta ei zibeipa heinawhzy o lâta eina vaw chhihtha ha hih,” tah ta.

ÂTHAONA 5:24

Enawka cha a hro chhôh ta khazohpa a kao tyh ta, chavâta Khazohpa ta ano cha la ha ta, hmô awpa y khao vei.

2 SAMUELA 15:20

Zâhnia tliata liata vaw tlô chi ta, tanoh he eima hnohta chakhâ kiah ta, chhutla chô awpa ta ei cha tao aw ma? Vaw pua taraw na ta, khataih lâ ma ei sie aw tahpa chhao pahno va na hih? Kua ha mah y. Na unawhzy chhao na hnohta a chhi ha mah y. Ngiachhiena nata ngâchhihna na hnohta y mawh sy,” tah ta.

HLAZY 138:7

Nôpona hry liata ei chareipa chhao ta, Ei hrona pahlôh chi ta; Ei chariahpazy hiehâhna lâ na ku pazawhpa ta, Na ku chachâh lâta eina pachha tyh chi.

HLAZY 33:4

Abeipa bie cha a do ta, A hmotaopa zydua ngâchhihpa ta a tao tyh.

HLAZY 40:11

Hy Abeipa, na zawngiahna hmô awpa na pakhâ leipa la, Na kyhpachâna tleih beih leipa ta na pabohsa sala, Na ngâchhi­hna ta khâ na pabohsa mawh sy!

HLAZY 50:23

Alyna bierei atheihna hlâtuhpa ta na parônahsa ta, A yzie â dopa ta a vaotuhpa hnohta, Khazohpa pachhana ei pahmô aw.”

HLAZY 57:3

Khazohpa ta a zawngiahna nata a ngâchhihna tuah aw ta, Avâ tawhta vaw tuapa ta na pachha aw ta, Nâ taolatuhpazy maophyuhpa ta a paysa aw. Selah

HLAZY 85:10

Ngâchhihna nata biehmeiseihpa a tyh ei ta, Siana nata thlalôhna ta amâ pahnâ.

HLAZY 89:14

Siana nata adona cha na beidyuchhai abôna châ ta, Kyhpachâna nata ngâchhihna na hmia lâta ama sie.

HLAZY 91:14

Abeipa ta hetana heta a tah: “Kyh khâchâ nâ pachâpa cha pachha aw na ta, Ei moh a pahnopa cha ei pabohsa aw.

HLAZY 98:3

A kyhpachâna tleih beih leipa nata a ngâchhihna cha, Izarei phopi châta a thei thlâh ha ta; Eima Khazohpa pachhana cha, Khizaw kaokih zydua ta ama hmô haw.

ISAI 25:1

Hy Abeipa, nâ cha ei Khazohpa na châ; Cha cheihchalo aw na ta, Na moh ei reithai aw. Hmonoâhpazy a tao chi ta, Hlâno tawhta na pachhuapanohpazy cha, Ngâ a chhih ei ta amâ do.

ISAI 43:2

Tizy na chaka nota, Na hnohta y awh na ta; Chavahzy na chaka nota, Cha vao aw veih ei. Mei hry liata na sie nota, Cha kâ leipa aw ta, Meipaleih ta cha palâ aw vei.

HÔSIA 14:9

“Chyhsa sopa ta He hmozy he a novâh sala, Chyhsa novâhpa ta Pahno thai mawh sy! Abeipa lâpizy cha a do ta, Mosiapazy ta amâ chhih thei; Moleipazy deikua cha, Amâ chapia aw.”

ZEPHANIA 2:3

Nâmo, khizaw liata areisipa zydua saih u, Abeipa cha pado u la; Nâmo, a biepiepa a zyhpa zydua saih u, Abeipa cha pado teh u. Siana tlua u la, Nawhna tlua teh u; Chatanachata Abeipa hiehâhna noh liata Nyupa nama châ aw.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

ZAWHÂNA 1:17

Ryhpa cha Mawsi hmâpa ta piepa châ ta, ngiachhiena nata hmeiseihna deikua cha, Krista zawhzi ta a vaw ypa a châ.

HMOTAOPAZY 10:35

Phopi to hry liata ahy rai ano a chipa nata hmo dopa a taopa maih cha Khazohpa ta â ly khai ei.

RAWMA 2:13

Ryhpa bie a theituhpa maihta Khazohpa mohmô ta asiapazy châ hlei leipa ei ta, ryhpa bie a zyhtuhpazy deita thai pachâsapa ama châ aw.

RAWMA 8:28

Khazohpa kyh a pachâtuhpa, ano achhuahna hawhta a awpazy châta, Khazohpa ta ato liata ama pha nawpa ta a hriapa tyh ei tahpa eima pahno.

HEBRAI 12:14

Chyhsa zydua nata adyhna chadai u la, pathaihna chadai hra teh u. Pathaihna leipa ta ahy hmahta Abeipa hmô aw veih ei.

ZÂMIE 5:11

Pachâ teh u, pasataotuhpazy cha nohlaopa tah pi ta, Zawbâ palôh pasizie kha thei ei chi ta, Abeipa hmochhuahpa chhao hmô ei chi ta, Abeipa cha ngiachhietuhpa nata zawngiahtuhpa a châpa nama hmô haw.