HLAZY 24:7 - Mara Bible RV (BSI)

⁷ Rônahna Beipa â vaw ngia thei nawpa ta, Hy thokhy chhikaozy saih u, Nama luh chôzy pasâh la; Hy ochhi hlôpazy saih u, A pasâh muh vy!

HLAZY 24:7 ပူးပေါင်းရင်းမြစ်များ

2 SAMUELA 6:17

Abeipa Byh cha a ngiakhei ei ta, a so nawpa ta Dâvi ta a paraipa poh o chhôh liata a su raopa liata soh ei ta. Dâvi ta raopa hlânazy nata aryhna hlânazy Abeipa hmiakô liata hlâ ta.

1 ABEIZY 8:11

meihdo vâna chata theihthaipazy cha chakao awpa ta a duah thei khao veih ei. Abeipa rônahna ta Abeipa o cha a bie khai haw.

1 ABEIZY 8:6

Chatanachata theihthaipazy ta Abeipa Bieh­rai Byh cha, Achhyna o chhôh supathaihpa liata a y nawpa su liata a ngiakhei ei ta, Cherubi mathlawzy ry liata Su Pathaih Chaipa liata soh ei ta.

HLAZY 132:8

Hy Abeipa, thyu la, Nâ pahâna su lâ vawh la, Na thatlôna Byh chhaota vawh mah y.

HLAZY 21:1

Hy Abeipa, abei cha na thatlôna liata a ly ta, Na pachhana liata a thapha kaw dia!

HLAZY 21:5

Na pachhana liata rônahna hmô ta, Palyupalihna nata abeina ta na tobi.

HLAZY 97:6

Avâzy ta a siana phuah ei ta, Phopi to ta a rônahna ama hmô.

ISAI 26:2

Ngiapâna a vaopa phopi siapa a ngia nawpa ta, Thokhy chhikaozy pahy teh u.

ISAI 62:10

Pua teh u, Thokhy chhikaozy tawhta pua u la, Izarei phopi châta lâpi a chhuahdy teh u. Lâlai pasâh u la, pasâh teh u; Lâlai liata alôzy thy u la, Phopizy châta ngiana poh chaluah teh u.

MIKÂ 4:8

“Hy nâ, mietaku zaw o sâhpa, Zaio sawchanô pahrâna tlâh y, Kha hlâta abeina kha nâ lâ vaw tlô heih aw ta, Zerusale sawchanô abeina nâ lâ a vaw tlô heih aw.

HÂKAI 2:7

Phopi zydua ei chalyu aw ei. Râh to liata ryusôhpazy vaw tlô aw ta, he o he rônahna ta ei pabie aw,’ Pheisaihzy Abeipa ta a tah.

HÂKAI 2:9

‘Tahmâ ta o rônahna he a hmiatuapa o rônahna hlâ khata a rônah via syulyu aw,’ Pheisaihzy Abeipa ta a tah. ‘He su liata thlalôhna ei paysa aw,’ Pheisaihzy Abeipa ta a tah,” tah ta.

MALAKHAI 3:1

“Moh teh u, ei hmia lâta lâpi a chhuahdy awpa ta, ei lyuhchâpa ei vaw tuah aw. Nama tluapa Abeipa cha ano Achhyna o lâ eikhapi ta â vy aw. Moh teh u, nama tlaichhaipa biehrai lyuhchâpa cha â vy hai,” Pheisaihzy Abeipa ta a tah.

MÂKA 16:19

Chatanachata Abeipa Zisu cha ama hnohta bie a reih khai nahta, vârâh lâ a chhipa ta y ta, Khazohpa chachâh lâta a kaw tyuh ha ta.

1 KAWRINI 2:8

Cha cha he khizaw ryureituhpazy ta pahno veih ei. Pahno ha ei sala, rônahna Beipa cha ama khaipâ lei awpa tlai.

ZÂMIE 2:1

Unawh saih u, eima Beipa Zisu Krista, rônahna Beipa ngiapâtuhpa nama châpa hawhta, khokhei viapa hnei khuh vy.

1 PITY 3:22

Zisu Krista cha vârâh lâ kiah ta, Khazohpa chachâh lâta y ta, vâlyuhchâpazy, biehneinazy nata hmotaotheinazy cha ano rei sai ta y awpa ta taopa ama châ.

2 PITY 3:18

Eima Beipa nata Pachhatuhpa Zisu Krista ngiachhiena nata pahnona liata laiseih lymâ teh u. Tahmâ nata chhâzaw ta Abeipa hnohta rônahna y mawh sy. Amen.

BIEPHUAH 4:11

“Hy Eima Beipa nata Khazohpa, Nâ cha rônahna zy, palyupalihna zy, hmotaotheina zy A to tlâh na châ na; Hmo to tao chi ta, Na bie hawhta vaw y ei ta, Na bie hawhta paysapa ama châ,” tahpa ta chhâzaw nata tlyzaw ta a hroh thlâhpa cha amâ chhy.