HLAZY 22:7 - Mara Bible RV (BSI)

⁷ Nâ hmôpa maihta na pahneisao ei ta, Ama hmao na pabyuh chiepa ta, Ama luh eina chahuah chie ei.

HLAZY 22:7 ပူးပေါင်းရင်းမြစ်များ

ZAWBÂ 12:4

Tahmâ deikua cha, Viasazy pahneiparâsaopa châ na ta; Khazohpa aw ta, Khazohpa ta â chhypa, Chyhsa siapa nata seina hnei leipa kei he, Pahneiparâsaopa ei vaw châ haw.

ZAWBÂ 16:10

Ama pakah na pakawh chiepa ta, Sâlâ kawpa ta ei baih na chabaih ei ta, A paraoh ei ta eina tei ei.

ZAWBÂ 16:4

Ei duahmo liana he nâmo y u la, Kei chhao nâmo hawhta ei rei thei thlâh ha hra mâh tâh; Biezy ta cha tla thlu aw ei na ta, Ei luh ei cha chahuah thlu thei thlâh ha hra ei mâh tâh.

HLAZY 109:25

Nâ leihtuhpazy pahneisao awpa vaw châ ha na ta, Eina hmô nah ei ta, ama luh eina chahuah chie tyh ei.

HLAZY 31:18

Hmao haiphiahpazy reihpathlie thei leipa ta y mawh ei sy; Haiphiahpazy cha apalaina nata mohnaona ta bie ei ta, Mosiapazy a reipachhie tyhpa ama châ.

HLAZY 44:14

Râhzy liata chhiena lâta rei tyh awpa ta miah tao chi ta, Phopizy luh chahuah chie awpa ta miah na tao haw.

ISAI 49:7

Mohnao ngaitapa nata Babylaw râh ta a pasi kawpa, Ryureituhpazy chakaotuhpa Izarei phopi hnohta, Abeipa, Izarei Chatlaituhpa ta hetana heta tah ta, Izarei Mo Pathaihpa ta hetana heta a tah: “Abeipa ngâchhihpa vâta, Châ tlyhtuhpa Izarei Mo Pathaihpa vâta, Beizy ta a cha hmô ti ei ta a duah aw ei ta, Beimachâzy na hmiakô liata amâ bôh aw.”

ISAI 53:3

Ano cha chyhsazy ta mohnaopa ta dytha ei ta, Pachârôhnazy a hneipa chyhsa châ ta, Pachâchhienazy a pahnopa a châ. Chyhsazy ta ama hmia ama nyusaipa chyhsa hawhta, Mohnaopa ta y ta; Keimo chhao ta, Ano cha pasâhsa hlei hra ma pi.

ISAI 57:4

Ahy ma saisona ta nama hmâ tly? Ahy ma nama pakah pakawh thlu ei chi ta, Nama paleih nama pachhao chie tly? Nâmo palie kha moleina sawzy châ ei chi ta, Dôveina chipathlazy tlao châ veih ei chi ma?

MATHAI 27:29

Hloh lakho phieh ei ta, a luh liata pakho ei ta, a ku chachâh lâta lohthi chabasa ei ta. A hmiakô liata pakhu paneihpa ta, “Zuzy beipa, hroh pareih mah y,” tahpa ta pasipasawh ei ta.

MATHAI 9:24

ama hnohta, “Pua teh u, hawtinô he thi vei, â môpa a châ hih,” tah ta. Zisu cha pahneisao ei ta.

MÂKA 15:20

Ama pasipasawh khai nahta, poh nohsaihpa cha hlaipa ei ta, ano viahkao pasipa pakysa heih ei ta, khaipâ awpa ta a chhi ha ei ta.

MÂKA 15:29

Cha su a chapiapazy ta ama luh chahuahpa ta, “Âh! Nâ, Achhyna o phie ta, noh thôh ta a sa heih awpa chi,

LUKA 16:14

Cha biezy cha tâkâ a tlaichhai kawpa Phârisaihzy ta ama thei nahta, pahneisao ei ta.

LUKA 23:11

Herawda nata a pheisaihzy ta Zisu cha mohnao kawpa ta pasipasawh ei ta. Poh rônahpa pabupa ta, Pilâ lâ hlâ pakhua ha ta.