HLAZY 22:5 - Mara Bible RV (BSI)

⁵ Cha aw ei ta, pachhapa ta y ei ta, Cha ngâ ei ta, ama hnabeidy vei.

HLAZY 22:5 ပူးပေါင်းရင်းမြစ်များ

1 THÂTIHZYRONA 5:20

Adyuhna liata Khazohpa lâ thlahchhâ ei ta, ano ama ngâpa vâta, a para ngaitapa ta ama hiana cha Khazohpa ta chyh-ei ta, Hâkari mo nata ama hnohta a ypa zydua cha ama ku liata a pie ha ei.

HLAZY 106:44

Chatahrasala ano ama padona ao a thei nahta, Ama nôpona cha a pachâ heih tyh.

HLAZY 31:1

Hy Abeipa, nâ châ chhai na ta, Maophyuhpa ta na paysa leipa la, Na siana vâta na pachha mah y!

HLAZY 71:1

Hy Abeipa, nâ châ chhai na ta, Maophyuhpa ta na paysa khah y!

ISAI 45:17

Izarei deikua cha Abeipa ta pachha ta, Tlyzaw pachhana ta a pachha haw. Nozapa ta y khao leipa aw ei chi ta, Tlyzaw taihta nohzaopa ta y khao aw veih ei chi.

ISAI 49:23

Beizy cha châ mohôhtuhpa na pawzy châ aw ei ta, Beinôzy chhao sâhpi ta châ chhytuhpa na nôzy ama châ aw. Ama hmia alei lâ a khupa ta, Na hmiakô liata a bôh aw ei ta; Na phei dohlei ama cha paliepa aw. Chatanachata kei he Abeipa ei châ tahpa pahno aw chi ta, Keima nâ hâtuhpazy cha ama hnabeidy aw vei.”

ZEREMIAH 50:7

A hmôpa maihta âmo cha palâ ei ta, Ama chariahpazy ta, ‘Keimo thaileina châ vei, Âmo tlai ta siana pahrâna Abeipa chô liata molei ei ta, Âmo pathlatuhpazy hnabeiseihna Abeipa chô liata ama moleipa vâta a châ,’ ama tah.

DÂNIAH 3:28

Chatawhcha Nebukaneza ta hetana heta tah ta, “Sâdarâka, Mesâka nata Abenekô zy Khazohpa cha reithaipa ta y mawh sy! A vâlyuhchâpazy za tuah ta, ano ngâpa ta a chakaotuhpazy cha a pachha ha ei. He chyhsazy heta âmo Khazohpa dei leipa ta cha khazoh hropa rai a chhy lei awpa ta ama pôhpa amâ hlâ hapa vâta abei biepiepa chhao zyh leipa ta ama y.

RAWMA 10:11

Biehrai ta, “Ahy rai ano a ngiapâpa maih maophyuh aw veih ei,” a tah.

RAWMA 9:33

“Pachâ teh, Zaio liata achapiana lô soh na ta, Moleina lôpanô ei soh; Ahy rai ano a ngiapâpa cha, Maophyuh aw vei,” tahpa ta ropa hawhta.

1 PITY 2:6

Chavâta Biehrai liata, “Moh teh u, Zaio liata alô paryh na ta, Ano cha a ki liata alô sôhpa nata atlyhpa châ ta; Ahy rai ano a ngiapâpa cha, Maophyuh aw vei,” tahpa ta ropa a châ.

RYUREITUHPAZY 4:3

Zabi cha thua talailih 900 hnei ta, Izarei sawzy cha kô kih tlai tlybaipa ta ama rie thata a pathei. Chavâta Izarei sawzy ta Abeipa pado ei ta.

RYUREITUHPAZY 6:6

Midia vâta Izarei cha riethei sipasa ngaitapa ta y ta. Chatawhcha Izarei sawzy ta Abeipa pado ei ta.