HLAZY 22:29 - Mara Bible RV (BSI)

²⁹ Lei hneirôhpa zydua ta kyhchhipa ta ano cha a chhy aw ei ta, Dohlei lâta a zu awpa zydua ta a hmiakô liata amâ bôh aw; Anosasyh â pahro thei leipa chhao ta Abeipa cha â chhy aw.

HLAZY 22:29 ပူးပေါင်းရင်းမြစ်များ

HLAZY 113:7

Ano cha dyhchhiepazy dohlei tawhta pathyu ta, Apuapa sopakhyna tawhta phahlapazy chalopa ta,

HLAZY 45:12

Tyre zuah ta kuhria chabapa ta na khokheina tlua aw ta, Chyhsa hneirôh chaipazy taihta na khokheina ama tlua aw.

HLAZY 73:7

Ama pachâna cha moleina ta bie ta, Ama palôh saduthliena ta a bie.

HLAZY 78:31

Khazohpa hiehâhna ama chô liata vaw tlô ta, Ama chyhsa thatlô chaipazy thie ta, Izarei satliazy a tusao ha ei.

ISAI 10:16

Chavâta Pheisaihzy Abeipa Zehôvâh ta, Asuria bei pasaipha thatlôpazy chô liata chaohna hri a patlôsa aw; Â papiparysana ry liata mei patipa châ aw ta, Meipaleih ta a kâ khai aw.

ISAI 26:19

Nâma liata a thipazy cha hroh aw ei ta, Ama pôhpa a thyu heih aw. Dohlei liata a ziapazy a hra aw ei ta, Thaphapa ta hla ama sa aw. Na diati cha my diati châ ta, Athipazy alei tawhta ama vaw hroh heih aw.

ISAI 29:4

Panawhpa ta y aw chi ta, Alei ry tawhta bie reih aw chi ta, Dohlei hry tawhta na reipasipasua aw. Thlahmihpa ao hawhta, Alei tawhta na ao vaw pua aw ta; Dohlei hry tawhta, Huthâpa ta bie na reih aw.

ISAI 45:23

Ei moh a reipa ta keimasasyh ta bie a taih na ta, Ei pakah tawhta siana ta bie pua ha ta, Vaw kua khao aw vei. Pakhu to ei hmiakô liata paneih aw ei ta, Paleih to ta na pazi awpa ta bie amâ taih aw.

ISAI 60:16

Phopizy sâhpiti pazy aw chi ta, Beizy sâhpi nâ ngieh aw. Chatanachata kei he Abeipa châ na ta, Châ Pachhatuhpa ei châpa na pahno aw; Châ Chatlaituhpa châ na ta, Zakaw Thatlôpa ei châpa na pahno aw.

HÔSIA 13:9

Hy Izarei, nâ dyuh chi ta, Châ baotuhpa nâ dyuhpa vâta, Pahleipadiapa na châ.

ÔBADIA 1:21

Esaw Tlâh chô liata ryureih awpa ta, Pachhatuhpazy Zaio Tlâh lâ khy aw ei ta, Chatanachata khinarâh cha Abeipa eih a châ aw.”

ZAWHÂNA 3:36

Ahy rai Sawchapawpa a ngiapâpa cha chhâzaw hrona a hnei haw. Ahy rai Sawchapawpa bie a zyh leipa cha, hrona hmô aw vei, Khazohpa hiehâhna a chô liata tlao a y.

PHILIPI 2:10

Chatanachata avâ nata alei nata alei ry liata a ypa zydua ta Zisu moh ta ama pakhu paneih aw ei ta,

BIEPHUAH 21:24

A khaihna liata phopizy charei aw ei ta, lei beizy ta ama rônahna amâ ngiakhei aw.