HLAZY 22:26 - Mara Bible RV (BSI)

²⁶ Pasataopazy lôhrâtlôpa ta nie aw ei ta, Ano a tluatuhpazy ta Abeipa cha ama reithai aw! Nama palôhzy chhâzaw ta hroh thlâh ha mawh sy!

HLAZY 22:26 ပူးပေါင်းရင်းမြစ်များ

1 THÂTIHZYRONA 29:10

Chavâta Dâvi cha zawpi zydua hmia­kô liata Abeipa reithai ta. “Hy Abeipa, miah pathlatuhpa Izarei Khazohpa y, chhâzaw nata tlyzaw ta reithaipa ta y mah y.

HLAZY 107:9

Ano cha hro dâhphina papaituhpa châ ta, Hmo phapazy ta hro nodipa rih a pabie tyh.

HLAZY 116:14

A chyhsa zydua hmiakô liata, Abeipa liata ei bietaizy ei patlô aw.

HLAZY 116:18

A chyhsa zydua hmiakô liata, Abeipa liata ei bietaizy ei patlô aw.

HLAZY 40:10

Na pachhana cha ei palôh liata nyu leipa na ta, Na ngâchhihna nata na pachhana tlao ei phuah; Na kyhpachâna tleih beih leipa nata na ngâchhihna chhao, Pakhypi rônahpa liata nyu va na.

HLAZY 40:16

Nâ châ tluatuhpa zydua deikua cha, Nâma liata a lypa ta ama thapha sala; Na pachhana a pasôtuhpazy cha, “Abeipa cha rônahpa a châ,” Tah lymâ mawh ei sy!

HLAZY 50:14

Khazohpa lâta alyna biereina atheihna hlâ la, Chônôchaipa hnohta na bietaizy patlô mah y.

HLAZY 69:32

Areisipazy ta cha cha hmô aw ei ta, Amâ ly aw; Nâmo, Khazohpa a tluatuhpazy saih u, Nama palôh a hra mawh sy.

ISAI 25:6

He tlâh liana heta, Pheisaihzy Abeipa ta phopi zydua châta kyhchhi a tao aw; Pati pahâhpa to niena kyhchhi châ aw ta, Kresawhti hlôpa dona kyhchhi a châ aw; Sa rupa lathli bawna kyhchhi châ aw ta, Kresawhti suapa dona kyhchhi a châ aw.

ISAI 65:13

Chavâta Abeipa Zehôvâh ta hetana heta a tah: “Pachâ teh u, nâ chakaotuhpazy cha nie aw ei ta, Nâmo deikua cha nodipa ta nama y aw; Nâ chakaotuhpazy cha doh aw ei ta, Nâmo deikua cha dâhphipa ta nama y aw; Nâ chakaotuhpazy cha a ly aw ei ta, Nâmo deikua cha nozapa ta nama y aw;

ZAWNA 2:10

Chatawhcha Abeipa ta nga cha biepie ta, nga ta Zawna cha ngiahkâ lâ vaw pali ha ta.

ZAWHÂNA 4:14

kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.