HLAZY 21:3 - Mara Bible RV (BSI)

³ Byhnâ hluhpi ta ano cha dy chi ta, A luh liata ngôh suapa lakho na pakho.

HLAZY 21:3 ပူးပေါင်းရင်းမြစ်များ

2 SAMUELA 12:30

Ama bei beilakho cha a luh tawhta la ta. Beilakho cha ngôh talent miakha a hri ta. Lôsôhpazy chhao a chhôh liata y ta, cha cha Dâvi luh liata pakho ei ta. Khihpi hraona sôh hluhpi chhao vaw phaoh ta.

2 SAMUELA 2:4

Zudâh chyhsazy a vy ei ta, cha liata Dâvi cha Zudâh pathlazy chô liata bei châ awpa ta sathaw ama thu. “Sawla ri cha Zebekilia mo ta ama pabu,” tahpa ta Dâvi cha chho ei ta,

2 SAMUELA 5:3

Chatanachata Izarei machâ zydua cha Hebraw liata abei lâ a vy ei ta. Bei Dâvi ta Hebraw liana chata Abeipa hmiakô liata ama hnohta bie hraih ta. Dâvi cha Izarei chô liata bei châ awpa ta sathawthu ei ta.

1 THÂTIHZYRONA 20:2

Dâvi ta ama bei beilakho cha a luh tawhta la ta, ngôh talent miakha â hripa ta pahno ta. Lôsôhpazy chhao a chhôh liata y ta, cha cha Dâvi luh liata pakho ei ta. Khihpi hraona sôh hluhpi chhao vaw phaoh ta.

2 THÂTIHZYRONA 6:41

“Hy Zehôvâh Khazohpa y, Tahmâ thyu la, Na thatlôna Byh chhaota, Nâ pahâna su lâ sie mah y. Hy Zehôvâh Khazohpa y, Na theihthaipazy pachhana ta tobi la, Na mopathaihpazy na phana liata y mawh ei sy.

ZAWBÂ 41:11

Ahy ta na pie tua ta ma ei thô awpa a byuh tly? Avâ ry liata hmo to zydua he kei eih mâh a châ tâh.

HLAZY 18:18

Vâchhiena ei tyh noh ta na tei lao ei ta, Châhrasala Abeipa cha nâ baotuhpa a châ.

HLAZY 20:5

Na pachhana liata a lypa ta awh sih la, Eima Khazohpa moh ta pahniena pohrai chaluahpa ta, Abeipa ta na hiapa zydua hlao cha patloh mawh sy!

HLAZY 31:19

Chyhsa sawzy mohmô ta, Châ chituhpazy châta phana na pachôpa hluh ngaita ta, Châ chhaituhpazy châta na raihria a hluh ngaita!

HLAZY 59:10

A kyhpachâna tleih beih leipa Khazohpa ta na vaw dy aw ta, Ei chariahpazy pahniepa ta ama ypa eina pamosa aw.

RAWMA 11:35

Thô awpa hnabeiseihpa ta, Ahy ma Khazohpa lâ hmo a pie?

RAWMA 2:4

A châ vei khiah, Khazohpa phana cha rona lâ châ chhi awpa a châpa pahno leipa ta, a phana hluhzie nata a nôphazie nata a palôh pasizie zy cha, hraoleipa hawhta ma na pachâ?

EPHESI 1:3

Khazohpa nata eima Beipa Zisu Krista Paw cha reithaipa ta y mawh sy. Ano chata avâ suzy liana khita Krista zawhzi ta thlahpa lâ byhnâ to miah pie ta.

HEBRAI 2:9

Châhrasala bohpi leipa chhôh vâlyuhchâpazy hlâta a hnai viapa ta tao chypa Zisu cha, thina pasa a taopa vâta, tahmâ cha rônahna nata palyupalihna lakho pakhopa ta a ypa hmô pi ta, Khazohpa ngiachhiena zawhzi ta chyhsa to châta thina a padi haw.

BIEPHUAH 19:12

A mokhaohzy cha meipaleih lyu ta, a luh liata lakho hluhpi a kho ta, moh ropa, ano dei leipa ta ahy hmah ama pahno leipa a hnei.

1 SAMUELA 16:13

Samuela ta saki ôh sathaw cha la ta, ano cha a unawhzy hmiakô liata sathawthu ta. Cha noh tawhna chata, Abeipa Thlahpa cha Dâvi chô liata thatlô ngaitapa ta vaw tlô ta. Samuela cha thyu ta Râmâ lâ sie ha ta.