HLAZY 18:29 - Mara Bible RV (BSI)

²⁹ Na baona ta pheisaihzy chanaoh na ta, Ei Khazohpa baona ta thokhy chhao ei zawpakhô.

HLAZY 18:29 ပူးပေါင်းရင်းမြစ်များ

2 SAMUELA 22:30

Na baona ta pheisaihzy chanaoh na ta, Ei Khazohpa baona ta thokhy ei zawpakhô.

2 SAMUELA 5:25

Dâvi cha Abeipa biepiepa hawhta tao ta, Philistinâ mo cha Kebâ tawhta Keze taihta a thie lymâ ei.

ZAWBÂ 29:3

A meiôh ei luh chô liata pakhaih ta, A khaihna ta zohna ei siepahlie no hawhna khata;

HLAZY 144:1

Abeipa, ei lôpanô cha reithaipa ta y mawh sy, Ano ta ei kuzy he hrâsiezie pachu ta, Ei ku parozy he a dyuhzie a pachu.

HLAZY 144:10

Nâ cha beizy pahniena a pietuhpa châ chi ta, Zaozi thatlôpa tawhta châ chakaotuhpa Dâvi a pachhatuhpa na châ.

HLAZY 27:1

Abeipa cha ei khaihna nata ei pachhana châ ta, Ahy ei chi aw? Abeipa cha ei hrona thokhy châ ta, Ahy ei chi aw?

1 KAWRINI 15:10

Châhrasala Khazohpa ngiachhiena vâ deita ta, he ei châna he a to theipa ei châ. A ngiachhiena eina piepa cha hraoleipa châ vei. Cha dei châ leipa ta, lyuhchâpa zydua hlâta hriapasa via na ta, cha chhao cha keima hriapa châ leipa ta, Khazohpa ngiachhiena ei hnohta a ypa ta a hriapa tlao a châ.

KAOLAOSÂ 2:15

Krista ta ryureituhpazy nata biehneituhpazy cha ama châna pahluh ta, kraws liata âmo cha pahniepa ta, â lâhâhpa ta maophyuhpa ta a tao ha ei.

BIEPHUAH 3:21

Pahniena to na ta, ei Paw hnohta a beidyuchhai liata ei tyupa hawhna heta, pahnietuhpa cha ei beidyuchhai liata ei hnohta ei patyusa aw.

1 SAMUELA 17:49

Dâvi cha a sahria chapao ta, alô miakha thaoh ta, savo cheisiah ta kei siah ta, Philistinâ chyhsa cha a khi liata khai ta, a khi liata alô cha a ngia ta, â khu lâta pao ta.

1 SAMUELA 23:2

Dâvi cha Abeipa a saohiah ta, “Philistinâ mo cha a dyuh awpa ta ei sie aw ma?” tah ta. Abeipa ta Dâvi hnohta, “Sie la, Philistinâ mo cha a zâ dyu la, Keilâh khih za pachha teh,” tah ta.

1 SAMUELA 30:8

Dâvi ta Abeipa a saohiah ta, “Pheisaihzy cha ei chadai aw ei ma? Ei pha aw ei ma?” tah ta. Abeipa ta a chhy ta, “A chadai teh, âmo cha pha cheingei aw chi ta, na chyhsazy na pachha khai heih aw ei,” tah ta.