HLAZY 18:27 - Mara Bible RV (BSI)

²⁷ Areisipa pachha chi ta, Akhotlâhpa na panawh tyh.

HLAZY 18:27 ပူးပေါင်းရင်းမြစ်များ

2 SAMUELA 22:28

Areisipa pachha chi ta, Akhotlâhpa deikua cha, Moh pahroh chi ta na panawh tyh.

HLAZY 10:4

Hmoparaopa apalaina hmia a phaohpa cha, Khazohpa tlua leipa ta, A pachâna zydua liata, “Khazohpa y vei,” a tah tyh.

HLAZY 101:5

Ahy rai arulâta a vaih a leihtuhpa cha, Ei pahleipadia aw. Ahy rai a mo â sâhpa nata palôh laipa cha, Chhyh thai aw va na.

HLAZY 17:10

Thapasana kyh liata ama palôhzy khaw ei ta, A khotlâh kawpa ta ama pakah ta bie ama reih tyh.

HLAZY 17:13

Hy Abeipa, thyu la, Ano cha a heihnaopa ta panawh la, Ei hrona he moleipazy tawhta na zaozi ta pachha mah y.

HLAZY 34:19

Mosiapa cha pasa hluhpi tao ta, Châhrasala cha zydua tawhta Abeipa ta a pachha lymâ.

HLAZY 34:6

Dyhchhiepa cha awh ta, Abeipa ta a thei; A nôpona zydua tawhta a pachha.

HLAZY 40:17

Kei la dyhchhiepa nata phahlapa châ na ta, Châhrasala Abeipa ta eina pachâ tyh. Hy ei Khazohpa, Nâ cha nâ baotuhpa nata nâ pachhatuhpa châ chi ta, Rie hawh khah y!

HLAZY 9:18

Phahlapazy cha my ngâ thlâh hapa châ lei paw ei ta, Dyhchhiepazy hnabeiseihna chhao chhâzaw ta lei aw vei.

BIESOZY 30:12

Âmo mokhaoh liata pathaih â tah kawpazy y ei ta, Châhrasala ama puana pathaipa châ hlei veih ei.

ISAI 10:12

Chatawhcha hetana heta a vaw châ aw. Abeipa ta Zaio Tlâh nata Zeru­sale chô liata a raihria zydua a paloh tita, Asuria bei cha a palôh laina bie nata a mo â pasâhsana vâta a hrie aw.

ISAI 3:9

Ama hmia phao ta ama châna palâsa ta, Ama moleina Sawdawmâ hawhta ama phuah; Nyu veih ei. Ama hu a po na! Âmosasyh ta raona amâ taopa a châ.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 66:2

He hmo zydua he keima ku ta tao ta, Chatanachata he hmo zydua he a vaw ypa a châ,” Abeipa ta a tah. “A panawhpa ta a palôh liata a ngiapachhi ta, Ei bie liata a chalyupa chyhsa lâta ei mo ei padeih aw,” Abeipa ta a tah.

HÔSIA 4:6

Pahno leina vâta Ei phopi cha paraopa a châ; Pahnona na dythapa vâta, Ei theihthaipa na châna tawhta Ei cha dytha ha hra. Na Khazohpa ryhpa na mypa vâta, Kei chhao ta na sawzy ei my hra aw.

LUKA 18:14

Ei cha chho ei, thaichâpa ta a o lâ a dipa cha, Phârisaih châ leipa ta, chhiekheituhpa tlao a châ. Ahy rai a pasâhsapa maih panawhpa châ aw ei ta, a panawhpa maih palyupalihpa ama châ aw,” tah ta.

2 KAWRINI 8:9

Eima Beipa Zisu Krista ngiachhiena cha, ano dyhchhiena vâta nâmo nama hneirôh thei nawpa ta, hneirôhpa a châpa chhao ta nâmo vâta dyhchhiepa ta â taona liata nama pahno.

ZÂMIE 2:5

Unawh kho ngaitapa saih u, pachâ tua u! Khizaw pachâ ta dyhchhiepazy cha, ngiapâna liata hneirôh awpa nata ano kyh pachâtuhpazy hnohta bie â taihpa khinarâh ryutotuhpazy châ awpa ta, Khazohpa ta â tlyhpazy châ veih ei ma?