HLAZY 18:22 - Mara Bible RV (BSI)

²² A ryureina zydua ei hmiakô liata y ta, A bieraopazy kei tawhta thy va na.

HLAZY 18:22 ပူးပေါင်းရင်းမြစ်များ

ZAWBÂ 23:11

Ei phei ta a hniehnôhzy chathô lymâ ta, A lâpi a chhih na ta, tlei va na.

HLAZY 119:112

Na bieraopazy tao awpa ta ei palôh pahei na ta, Chhâzaw ta, achhâna taihta ei tao lymâ aw.

HLAZY 119:117

Na cha-ao mah y; Chatanachata a boh aw na ta, Na bieraopazy cha ei pachâ lymâ aw.

HLAZY 119:128

Chavâta na pachunazy â do khai tah na ta, Hrozie doleipa ei hao.

HLAZY 119:13

Na pakah ta na phuahpa ryhpa bie zydua, Ei hmao ta ei phuah lymâ aw.

HLAZY 119:30

Ngâchhihna hro a tlyh ha na ta, Na ryhpazy ei vao thlâh haw.

ZAWHÂNA 5:14

A noh hropa ta Zisu ta ano cha Achhyna o liata hmô ta, a hnohta, “Moh teh, na tlâh ha hih! Molei khao khah y. Chataleipatala hmopha lei viapa na chô liata a vaw tlô pathlei aw na,” tah ta.

RYHPACHANEINA 26:13

Cha khai tawhta Abeipa nama Khazohpa hmiakô liata bie reih aw ei chi ta, a hnohta, ‘Eima hnohta bie miah na piepa hawhta, hmo pathaihpazy eima o tawhta papua pi ta, Livai chizy, mapaihpazy, paw hnei leipazy nata nôhmeizy eima pie. Na biepiepazy miakha hmah parao leipa pi ta, my hra ma pi.

RYHPACHANEINA 26:14

Su hrawh su kha cha mâchhie eima sa nota nie leipa pi ta, eima pathaih lei daihti liata chhao kheihawhpa hmah la leipa pi ta, kheihawhpa hmah athihpa hlâ ma pi. Abeipa eima Khazohpa ao nathlie pi ta, bie miah na piepa zydua hawhta eima tao khai.