HLAZY 18:15 - Mara Bible RV (BSI)

¹⁵ Hy Abeipa, na rana vâta, Na hnapasu tawhta hu a puapa ta, Tilaipi chaozy hmô theipa châ ta, Khizaw abônazy â lâ khai.

HLAZY 18:15 ပူးပေါင်းရင်းမြစ်များ

2 SAMUELA 22:16

Abeipa ta ra ta, A hnapasu hu a tôpa vâta, Tilaipi khaoh a vaw lâ ta, Khizaw abônazy â lâ khai.

2 ABEIZY 19:7

Pachâ teh, a chhôh liata thlahpa soh aw na ta, bie pathâhpa a thei aw. Chatanachata a râh lâ a lie aw ta, ano râh liata zaozi ta ei papaosa aw,’ tahpa ta,” tah ta.

ZAWBÂ 36:32

A ku cha pachie ta pabie ta, Â nuapa tla thlu awpa ta bie a pie tyh.

ZAWBÂ 4:9

Khazohpa hu ta leidia ei ta, A hiehâhna thlih ta a hmôsao ei.

HLAZY 104:5

Alei he â bôna chô liata padua chi ta, Pasiepa châ beih aw vei.

HLAZY 106:9

Tilaipi Saihpa rapa ta pakua ta, Râhchawhpa liata siepa hawhta, Ti athupa kuapa liata a siekhei ei.

HLAZY 144:6

Dôhla pathliesa la, Na chariahpazy hiepatla mah y; Na châtaizy ka la, Âmo cha patypamâ mah y!

HLAZY 74:15

Tihnawhzy a papuatuhpa nata vahtiezy a palosatuhpa châ chi ta, Vahtly tipi a pakuatuhpa na châ.

HLAZY 76:6

Hy Zakaw Khazohpa, na rana vâta, Arâ nata a kiahtuhpa zy pao ei ta, Nokhih pahno leipa ta ama y.

HLAZY 77:18

Na tôkalôhpa pyu cha khisô liata y ta, Na dôhlazy ta khizaw pakhaihsapa ta, Alei he a chalyu ta â chatho.

HLAZY 92:10

Keima ki deikua cha, Chaoliah tôhpa ki hawhta cheihchalo chi ta, Sathaw thiehpa eina thu chi.

PUASAINA 15:8

Na hnapasu hu ta tizy toh ta, Pâhchhô hawhta tipaua a duah ta, Tizy tilaipi liah liata â patlo khai haw.

ISAI 11:4

Dyhchhiepazy chô liata adona ta ryureih aw ta, Lei chyhsa nônaipazy châta a khongâh kawpa ta a pachia aw. A pakah chôchahrei ta nôchhiepazy tu aw ta, A hmao hu ta hmoparaopazy a thie aw.

ISAI 30:33

Hlâno tawhta mei raona su a chhuanoh hapa a châ. Abei châta chhao a chhuahdy hapa châ ta, tho ti nawpa â thu ngaitapa nata a kawh ngaitapa ta taopa châ ta, mei nata tho hluhpi pahmaohpa a châ. Cha cha kaih vahtiepa hawhta a lohpa Abeipa hu ta a pakâsa.

ZEREMIAH 31:37

Abeipa ta hetana heta a tah: “Chô lâ avâzy khi thlie theipa châ sala, Ry lâta alei abônazy hmô theipa a châ khiahta cha, Izarei chipathlazy chhao ama hmotaopa zydua vâta, Ama zydua ta ei thy pathlah khai aw ei,” Abeipa ta a tah.

ZAWNA 2:6

Tlâhpizy thaby lâ zu na ta, Alei ta leitlâhzy hmâpa ta, Chhâzaw ta eina hraikhôh haw; Chatanachôta Hy Abeipa ei Khazohpa, Ei hrona cha khaohtlô tawhta na thaoh haw.

MIKÂ 6:2

Nâmo, tlâhpizy saih u, Nâmo, leilô abôna hlôpazy saih u, Abeipa ta a phopi a leihna bie he nathlie tua u; Abeipa ta ano phopi leih nawpa hnei ta, Izarei cha â dyuh aw.

ZEKARIA 9:14

Abeipa ama chô liata a vaw luah aw ta, A châtai dôhla hawhta a pathli aw; Abeipa Zehôvâh ta chiahmie tô aw ta, Chho khisôzy chhaota hrâ a sie aw.

1 SAMUELA 7:10

Samuela ta raopa hlâna a hlâ hai no tlai chata, Philistinâ mo cha Izarei a dyuh awpa ta a vaw hnia ei ta. Châhrasala cha noh liata Abeipa ta Philistinâ mo chô liata tôkalôhpa thata vaw pathuasa ta, âmo cha patypamâ ta, Izarei hmiakô liata panawhpa ta y ha ei ta.