HLAZY 17:14 - Mara Bible RV (BSI)

¹⁴ Hy Abeipa, cha hawhpa chyhsazy tawhta na ku ta na pachha la, Hro chhôh ta tovyuh a hneipa khizaw chyhsazy tawhta na pachha mah y. Ama chhi cha ryusôhpazy ta pabie chi ta, Palôhtlâhna taihta sawzy hnei ei ta, Ama hneinazy cha sawzy châta ama siesai tyh.

HLAZY 17:14 ပူးပေါင်းရင်းမြစ်များ

ZAWBÂ 12:6

Hraotuhpazy ama poh o liata thlalôhpa ta y ei ta, Ama ku ta ama khazoh chaba ta, Khazohpa hie pahâhpazy â bohpa ta ama y.

ZAWBÂ 12:9

Chazy hry liata ahy ma, Cha hmo cha Abeipa ku ta taopa a châzie Pahno leipa ta a y tly?

ZAWBÂ 21:21

A thlazy chhâ hai tlôh ta, Khâpa châta ma a o tlai cha â tymâkhei ngâ kaw tly i?

ZAWBÂ 22:18

Chatanachôta ama o cha hmo pha to ta a pabie; Moleipazy pachâna he kei tawhta la â hla kaw.

HLAZY 39:6

A châ na, chyhsapa he la, Nohpahlipa hawh dei ta khizaw liata charei ta, Hraoleipa hmo liata a tymâpa ta, A chhâna lâta ahy ma a pakhy aw tahpa pahno leipa ta, Sôh hluhpi a pachô.

HLAZY 73:12

Moh teh, hezy he moleipazy châ ei ta, Phasapa ta ypa ta, Ama hneirôna a papôhsapazy ama châ hih.

BIESOZY 2:4

Sona cha tâkâ tluapa hawhta tlua la, Ryubyh nyupa tluapa hawhta na tlua khiahta cha,

MATHAI 13:44

“Vârâh khinarâh cha lyu liata ryubyh nyupa chyhsa pakha ta hmô ta, nyu heih ta, a ly ngaitapa ta sie ta, a hneina zydua zuah ta, cha lyu cha a chaleipa hawhta a châ.

LUKA 16:25

Châhrasala Abarahâ ta, ‘Ei saw y, nâ cha na hro chhôh ta hmo phapa to chi ta, Lâzarâh deikua cha hmo chhiepa a topa kha pahno châh chi. Châhrasala tahmâ ano cha he liata thlahpalôhpa ta y ta, nâ cha pasa na tao kha zaw.

LUKA 16:8

A zibeipa ta sôh mohôhtuhpa adoleipa cha ryhraona a pahno thaipa liata tlao reithai ha ta. Khizaw sawzy he âmo chhâ hmo kyh liata la, khaihpa sawzy hlâta ama vaw so via.

ZAWHÂNA 15:19

Khizawpa châ u la, khizaw ta ano eih hawhta kyh a cha pachâ aw ei. Châhrasala khizawpa châ leipa ei chi ta, khizaw tawhta ei tlyh papuapa nama châpa vâta, khizaw ta a châ hao ei.

ZAWHÂNA 17:14

Na bie ama hnohta pie ha ei na ta, kei khizawpa ei châ leipa hawhna heta, âmo chhao khizawpa ama châ leipa vâta, khizaw ta âmo cha amâ hao.

ZAWHÂNA 8:23

Zisu ta ama hnohta, “Nâmo cha ry lâ tawhta a puapa châ ei chi ta, kei deikua cha, chô lâ tawhta a puapa ei châ. Nâmo cha khizaw tawhta a puapa châ ei chi ta, kei deikua cha, he khizaw tawhta a puapa châ va na.

ZÂMIE 5:5

Khizaw liana heta sapa palysapa ta phasapa ta hroh ei chi ta, thina noh zy lia taihta nama palôh namâ palysa.