HLAZY 17:1 - Mara Bible RV (BSI)

¹ Hy Abeipa, adona bie thei la, Ei cha awna he nathlie mah y! Dôveina a y leipa ei hmao tawhta thlahchhâna lâ Na nah pachôh mah y!

HLAZY 17:1 ပူးပေါင်းရင်းမြစ်များ

2 SAMUELA 22:24

A hmiakô liata seina hnei leipa na ta, Thaileichâna tawhta keimasasyh ta ei pabohsa.

2 THÂTIHZYRONA 7:15

He su liata thlahchhâna lâ cha ei mo tawpâ aw na ta, nah ei pachôh aw.

NEHEMIAH 1:6

Izarei sawzy moleina, na chô liata eima moleinazy reihpha ei cheina he na nah vaw pachôh la, na mo vaw padeih la, châ chakaotuhpa, na phopi Izarei sawzy châta, châ chakaotuhpa ta chhô nah zâ ta na hmiakô liata ei thlahchhâna he rie vaw nathlie mah y. Kei nata ei chiheihzy ta eima vaw molei haw.

ZAWBÂ 16:17

Ei kuzy ta thachahra hmâh leipa ta, Ei thlahchhâna a pathaih thlâh hapa chhao ta.

HLAZY 102:2

Ei nôpona noh liata na hmia na nyusai leipa la, Kei lâ na nah vaw pachôh la; Ei cha pado noh liata thlai nâ chhy mah y!

HLAZY 140:12

Abeipa ta pasa a taopazy â duakhei aw tahpa pahno na ta, Phahlapazy châta amâ dona â duakhei aw tahpa ei pahno.

HLAZY 142:1

Ei ao ta Abeipa pado na ta, Ei ao ta Abeipa lâ ngiachhiena ei hiah tyh.

HLAZY 142:6

Ei awna he nathlie mah y, Thata panawhpa ta ei y hih! Nâ taolatuhpazy tawhta na pachha mah y, Kei châta ama tha a tlô tu haw!

HLAZY 143:1

Hy Abeipa, ei thlahchhâna he thei la, Ngiachhie ei châ hawna lâ he na nah vaw pachôh mah y! Na ngâchhihna vâta na chyhei la, Na siana vâta na chyhei mah y!

HLAZY 145:18

Abeipa cha a padotuhpa zydua a hnia ta, Hmeiseihpa ta a padotuhpa zydua a hniapa a châ.

HLAZY 18:20

Ei sianazie hawhta Abeipa ta ei chô liata tao ta, Ei ku pathaihnazie hawhta lymâ eina pie.

HLAZY 18:44

Ei bie ama theipa nahta ei rei a ngiah ei ta, Chihropazy ta ei ry amâ vaw daoh.

HLAZY 43:1

Hy Khazohpa, nâ duakhei la, Thai na pachâsa mah y! Khazohpa a pachâ leipazy tawhta na pachha la, Dôvei hmâhpa nata chyhsa doleipa tawhta na pachha mah y!

HLAZY 5:2

Ei Beipa nata ei Khazohpa, Ei awna ao he nathlie mah y, Nâma lâ thlah a chhâpa ei châ hih.

HLAZY 54:4

Pachâ teh u, Khazohpa cha nâ baotuhpa châ ta, Abeipa cha ei hro nâ deichhytuhpa a châ.

HLAZY 55:18

Nâ dyuhpa hluh ngaita hra ei sala, Ei hro he chatlaipa ta abohna su liata paysa ta, Chariah ei dyuhpa tawhta eina pachha haw.

HLAZY 61:1

Hy Khazohpa, ei awna he thei la, Ei thlahchhâna he nathlie mah y.

HLAZY 61:2

Ei palôh chhâ daihti liata, Alei chhâna tawhta cha pado na ta, Kei hlâta a sâh viapa lôpanô lâ nâ chhi mah y.

HLAZY 66:19

Châhrasala Khazohpa ta na nathlie hmeiseih ta, Ei thlahchhâna ao a thei haw.

HLAZY 7:8

Abeipa ta phopizy pachia ta, Hy Abeipa, ei sianazie hawhta na pachia la, Hy Chônôchaipa, ei dona hawhta na pachia mah y.

HLAZY 84:9

Hy Khazohpa, eima vyhphao he moh la, Na sathawthupa hmia he sai tua!

HLAZY 86:1

Hy Abeipa, kei lâ na nah vaw pachôh la, Nâ chhy mah y; Dyhchhiepa nata phahlapa ei châ hih.

HLAZY 86:6

Hy Abeipa, ei thlahchhâna lâ na nah vaw pachôh la, Ngiachhie ei châ hawna ao he nathlie mah y.

HLAZY 88:3

Ei hro he nôpona ta bie ta, Ei hrona chhao Athihkhih â hnia ha bâ.

ISAI 29:13

Chatawhcha Abeipa ta, “He phopi heta ama pakah ta nâ vaw hnia ei ta, Ama hmao ta eina palyupalih ei; Ama palôh deikua cha nâ hla kaw ta, Eina china chhao ei cha, Chyhsapa pachuna biepiepa deita a châ.

ZEREMIAH 3:10

Cha zydua a hmô thlâh hapa chhao ta, a narônô haiphiahnô Zu­dâh cha palôh hmeiseihpa ta kei lâ vaw kua leipa ta, a pakheipa ta a vaw kua tyh,” Abeipa ta a tah.

MATHAI 15:8

“‘He phopi heta, Ama hmao ta na palyupalih ei ta, Ama pathipalôh ta deikua einâ hla kaw ei.

ZAWHÂNA 1:47

Zisu ta Nâthaniah ano lâ â vy haipa a hmô nahta, a thâtih reih ta, “Moh teh u, Izarei saw hmeiseihpa, haidihaiduana rai a hnei leipa chyhsa huh!” tah ta.

1 ZAWHÂNA 3:21

Kho ngaitapa saih u, eima palôh ta thailei miah a pachâsa leipa khiahta cha, Khazohpa liata alôhna eima hnei tahna a châ.