HLAZY 16:5 - Mara Bible RV (BSI)

⁵ Abeipa, nâ cha ei vyuh nata ei nyu châ chi ta, Ei tovyuh na pabohsa tyh.

HLAZY 16:5 ပူးပေါင်းရင်းမြစ်များ

HLAZY 11:6

Moleipazy chô liata meiia nata kaih pasuasa sala, Ziza sahpa cha ama tovyuh nyu châ mawh sy.

HLAZY 116:13

Pachhana nyu la aw na ta, Abeipa moh ei pado aw.

HLAZY 119:57

Hy Abeipa, nâ cha ei tovyuh châ chi ta, Na bie zyh awpa ta bie ei châ vaw taih haw.

HLAZY 125:3

Hmoparaopa ryureina chôchahrei cha, Mosiapazy ryuto râh liata a duah aw vei; Chataleipatala mosiapazy ta ama ku pazawh aw ei ta, Moleina hmo ama tao pathlei aw na.

HLAZY 132:11

Abeipa ta Dâvi hnohta hetana heta bie a taih ha ta, A bietai pathleih aw vei: “Na sathei pakha na beidyuchhai liata patyu aw na ta,

HLAZY 142:5

Hy Abeipa, cha aw na ta, “Ei chhaina châ chi ta, Ahrohpa râh liata ei tovyuh na châ,” ei cha tah.

HLAZY 2:6

“Ei tlâh pathaihpa Zaio tlâh liata, Ei Beipa ei patyusa haw,” a tah aw.

HLAZY 23:5

Ei khakhaipazy mohmô ta, Ei hmiakô liata tlâhkhai nâ chhuahdy chi ta, Ei luh he sathaw thu chi ta, Ei nyu chhao a khô pathlah.

HLAZY 73:26

Ei sapa nata ei palôh he a tleih thei, Châhrasala Khazohpa cha ei palôh thatlôna châ ta, Tlyzaw châta ei tovyuh a châ.

HLAZY 89:4

‘Na chipathla cha tlyzaw châta pa-i aw na ta, Na beidyuchhai chhao chhâ zydua châta ei padua aw,’” na tah. Selah

HLAZY 9:4

Ei dona nata ei bie nâ duakheipa ta, Beidyuchhai liata a tyuh chi ta, Pachiana dopa ta na pachia tyh.

ISAI 42:1

Nâ chakaotuhpa nata ei duakheipa he moh u la, Ei tlyhpa nata ei hro ta â ly ngaitapa he moh teh u. A chô liata ei Thlahpa soh na ta, Râhzy liata adona a tlôkhei aw.

ISAI 53:12

Thina taihta a hrona leihtha ta, Moleipazy hry liata rei pâpa ta a ypa chhao ta, Chyhsa hluhpi moleina phaoh ta, Hmoparaopazy châta thlah a chhâpa vâta, Ano cha chyhsa rônahpazy hry liata tovyuh rai aw na ta, Thatlôpazy hry liata hraona sôh a hmô hra aw.

ZEREMIAH 10:16

Zakaw Tovyuh deikua cha, Cha hawhta châ vei, Ano cha ato taotuhpa a châ; Izarei cha a ryuto chipho châ ta, A moh cha Pheisaihzy Abeipa a châ.

CHAPHÔHTUNA 3:24

Chavâta ei hro ta, “Abeipa cha ei tovyuh châ ta, Chavâta ano liata ei hnabei a seih aw,” a tah.

HMOTAOPAZY 2:32

Cha Zisu cha Khazohpa ta pathyu ta, keimo zydua he a pahnotuhpa eima châ.

HMOTAOPAZY 5:31

Izarei parosa ta, moleinazy a ngiahthai awpa ta, Khazohpa ta ano cha a chachâh lâta patyusa ta, Hyutuhpa nata Pachhatuhpa ta y awpa ta a cheihchalo haw.

1 KAWRINI 15:25

A chariahpa zydua a phei ry liata a soh khai hlâlei Krista cha â bei chy aw.

EPHESI 5:18

Kresawhti paripa ta y khah u, parina liata a sohsi leina y tlôh ta, Thlahpa ta biepa ta tlao y teh u.

RYHPACHANEINA 18:2

Ama unawhzy hry liata ryuto hnei aw veih ei. Abeipa ta bie â taihpa hawh ei ta, Abeipa cha ama ryuto a châ.

RYHPACHANEINA 32:9

Abeipa tovyuh deikua cha a phopi châ ta, Zakaw cha a ryuto a châ.

ZAWSUA 22:25

Abeipa ta Zawdâh he nâmo nata keimo likawh râhri châta rao ha ta, chavâta nâmo Rubena pathlazy nata Kâdâ pathlazy saih u, Abeipa liata tovyuh hnei hra veih ei chi,’ ama vaw tah pathlei aw tahpa eima chipa vâta a châ. Nama pathlazy ta eima pathlazy cha Abeipa a chhy khao lei awpa ta ama tao thei mâh tâh.

ZAWSUA 22:27

keimo nata nâmo nata keimo hnôhlâ ta eima pathlazy likah liata pahnokheituhpa châ aw ta, chatanachata eima raopa hlânazy, atheihnazy nata aryhna hlânazy ta Abeipa cha a hmiakô liata chakao thei aw pi ta, chhâ vaw y awpa liata nama pathlazy ta eima pathlazy hnohta, “Abeipa liata tovyuh hnei veih ei chi,” ama tah lei nawpa ta,’ tahpa ta eima taopa a châ.