HLAZY 15:3 - Mara Bible RV (BSI)

³ A paleih ta kyh rei a hmâh leipa, A vaih chô liata hmo chhiepa a tao leipa, Â doleipa ta a viasa a reipachhie leipa;

HLAZY 15:3 ပူးပေါင်းရင်းမြစ်များ

BIESOZY 22:10

Chyhsa a mohnaopa cha papua u la, Ahryuna nata atuna zy â chalih aw.

BIESOZY 25:3

Avâzy â sâhpa nata alei â thupa hawhta, Abeizy palôh chhao a laichadai theipa châ vei.

ISAI 56:2

Cha hawhta a taopa chyhsa cha, Thlaochhipa ta y aw ta; Chazy khâchâ â patupa chyhsa sawchapawpa cha, Thlaochhipa ta a y aw. Ano cha Pahânoh chaypa ta a papuapalei leipa châ ta, Hmo pha leipa taona tawhta a ku a vaih tyhpa a châ.”

THEIHTHAINA 19:16

Chyhsa kyh reipa ta na chiheihzy hry liata nâ khie awpa châ leipa ta, na vaih hrona châta chichhihpa bie nâ duakhei awpa châ vei. Kei he Abeipa ei châ.

MATHAI 7:12

Chavâta chyhsa ta nama chô liata ama tao awpa nama khopa hawhta, chyhsa chô liata tao hra muh vy. Cha cha ryhpa nata hrohsopazy bie a châ.

RAWMA 1:30

Chyhsa a reipachhiepa, Khazohpa a haopa, a patahsapa, a palaipa, a pahôpahâhpa, moleina khaohvâh a pahnopa, nôpaw rei a ngiah leipa,

RAWMA 12:17

Ahy moleina rai moleina ta viarithô leipa u la, chyhsa zydua mohmô ta hmo dopa tao awpa ta pachâna tlao hmâh tyh muh vy.

RAWMA 13:10

Kyhpachâna ta vaih pasasa beih vei. Chavâta kyhpachâna cha ryhpa zyh pakina a châ.

TITU 3:2

Ngiapâtuhpazy cha ahy hmah ama reipachhie awpa châ leipa ta, ahryusina amâ hneisai awpa a châ. Nônai kawpa ta y ei sala, chyhsa zydua chô liata areisina dopa ama palâsa awpa a châ.

ZÂMIE 4:11

Unawh saih u, nâmo nata nâmo a reipachhie khuh vy. Ahy rai unawhpa a reipachhiepa tlyma, unawhpa a seipa tlyma cha, ryhpa a reipachhiepa nata a seipa a châ. Ryhpa na sei khiahta cha, ryhpa a zyhtuhpa châ leipa chi ta, ryhpa a pachiatuhpa tlao na châ.

3 ZAWHÂNA 1:11

Kho ngaitapa y, moleina hâ a la leipa la, hmo phapa hâ a la mah y. Hmo pha a taotuhpa cha Khazohpa tawhtapa châ ta, moleina hmo a taotuhpa cha Khazohpa a hmô leipa a châ.

1 SAMUELA 24:11

Ei pâ, moh tua, vaw moh tua rai, na poh pai chhao ei chaba thlâh ha hih. Na poh pai ei tai thei thlâh hapa ta, nâma ei cha thie leipa kha, ei ku liata paraona nata abei adyuhna rai y vei tahpa na hmô awpa nata na pahno awpa ei khopa vâta a châ. Ei hrona la a chhuahpa ta na tlua ngâ hra la, na chô liata molei va na.