HLAZY 148:8 - Mara Bible RV (BSI)

⁸ Mei nata pareih, dâhaw nata ameih zy saih u, Abeipa cha reithai u la; A bie a zyhpa thlihpizy saih u, Abeipa cha reithai teh u!

HLAZY 148:8 ပူးပေါင်းရင်းမြစ်များ

ÂTHAONA 19:24

Abeipa ta Sawdawmâ nata Kawmawrâ chô liata vârâh tawhta mei nata kaih pasuasa ta. Vârâh liata a ypa Abeipa tawh tlai ta a zâ suahpa a châ.

ZAWBÂ 37:12

Ano chhihthana ry liata a pahieh ei ta, Hmohrohneipa hro theina khizaw zydua liata, A biepiepa zydua ama patlô tyh.

HLAZY 103:20

Hy nâmo, a vâlyuhchâpazy saih u, Abeipa cha reithai u la; Nâmo, a biepiepazy zyh ta, A biereipa ao a theipa thatlôpazy saih u, Abeipa cha reithai teh u!

HLAZY 18:12

A hmiakô liata khaihna tawhta, Pachie nata pareih vaw tla ta, A meihdozy a vaw chhô pahlie.

PUASAINA 10:13

Mawsi ta Izi râh chô liata a chôchahrei pazawh ta, cha noh cha noh y ta nata zâkhihdei ta, Abeipa ta Izi râh chô liata nochhi thlih vaw pathlisa ta. Mydi a vaw châ nahta, nochhi thlih ta khawsuzy vaw phaoh ta.

PUASAINA 10:19

Abeipa ta thlih cha notla thlih ru ngaitapa lâta paliesa ta, cha chata khawsuzy cha phaoh ta, Tilaipi Saihpa lâ phaoh pathlah ta, Izi râh chhôh zydua liata khawsu sâkha hmah y khao vei.

PUASAINA 14:21

Mawsi ta tilaipi chô liata a ku pazawh ta, Abeipa ta azozâkhihdei ta nochhi thlih ru ngaitapa vaw pathlisa ta, tizy hnoh lâ a sy ei ta, tilaipi cha alei hipa lâta pachâsa ta. Chatanachata tizy cha a pachhaih ta.

ISAI 66:16

Abeipa ta mei ta pachia aw ta, A zaozi ta chyhsa zydua a pachia aw; Chavâta Abeipa ta a thiepazy cha, Ama hluh ngaita aw.

ZÔELA 2:30

“Lei nata vâ liata Hmo noâhpazy ei chaluah aw; Thisaih nata mei chaluah aw na ta, Meikhuh a duahpazy ei chaluah aw.

THEIHTHAINA 10:2

Abeipa tawhta mei vaw pua ta, âmo cha kâsao ta, Abeipa hmiakô liata thi ha ei ta.

AMÔSÂ 4:13

“Pachâ teh, tlâhzy taopa ta thlihzy paysa ta, A palôh chyhsa hnohta phuah ta, Khihdei pavâpa chhao azohpa pachâsa thei ta, Alei su sâhpazy liata a chareipa cha, A moh Zehôvâh, Pheisaihzy Khazohpa a châ.”

AMÔSÂ 7:4

Abeipa Zehôvâh ta hetana heta na pahmôsa heih ta: Pachâ tua u, Abeipa Zehôvâh ta mei ta pachiana aw ta, mei chata ti athupa lai ngaitapa cha palâ khai ha ta, alei chhao nie lymâ ta.

ZAWNA 1:4

Châhrasala Abeipa ta thlihpipa ru ngaitapa tilaipi chô liata vaw tuah ta, chatanachata chothyu ru ngaitapa tilaipi liata vaw pathli ta, balyh cha rao daihmâ ta.

ZAWNA 1:5

Balyh puhpazy cha chi ngaita ei ta, ama khazoh pado chyu ei ta. Balyh cha âmo châta â hua thei nawpa ta, balyh chhôh liata hmozy cha tilaipi lâ pazaw ei ta. Zawna deikua cha balyh chhôh chaipa liata a ngia ta, a zia ta, mokuh pahâh kawpa ta a mô syulyu ha ta.

MALUHREINA 16:35

Chatawhcha Abeipa tawhta mei vaw pua ta, ropahâhpa a hlâ haipa chyhsa 250 cha a kâsao khai ha ei.

ZAWSUA 10:11

Izarei sawzy hmiakô tawhta a râpai ei ta, Behôrô chhutla ama chô hai nota, Abeipa ta avâ tawhta pareih laipa za patlasa ta, Azekâ tlôna taihta âmo cha daih lymâ ta, thata thi ei ta. Izarei sawzy ta zaozi ta ama thiepazy hlâ chhao ta pareih ta a daisaopa ama hluh via.

BIEPHUAH 16:21

Chatawhcha pareih lai ngaitapa, talent miakha hlei a hripazy chyhsa chô liata za tla ta. Potlana cha a rarôh y ngaitapa vâta, pareih potlana vâta Khazohpa chô liata chhiesa ei ta.