HLAZY 148:13 - Mara Bible RV (BSI)

¹³ Ano moh deita cheihchalo tlâhpa a châpa vâta, Abeipa moh cha reithai mawh ei sy; A rônahna cha alei nata avâ hlâta a sâh via.

HLAZY 148:13 ပူးပေါင်းရင်းမြစ်များ

1 THÂTIHZYRONA 29:11

Hy Abeipa y, rônahna zy, hmotaotheina zy, palyupalihna zy, pahniena zy, abeina zy na eih châ ta, avâzy nata alei liata a ypa zydua chhao na eih a châ. Hy Abeipa, khinarâh cha na eih châ ta, ato chô lâta a to luh châta cheihchalopa na châ.

HLAZY 108:4

Na kyhpachâna tleih beih leipa ta avâzy kaw daih ta, Na ngâchhihna ta meihdozy a kaw tlô.

HLAZY 113:4

Abeipa cha phopi zydua hlâta chônô viapa châ ta, A rônahna avâzy hlâta â sâh via.

HLAZY 150:6

Husona a hneipa to ta Abeipa cha reithai mawh sy! Abeipa cha reithai teh u!

HLAZY 57:6

Ei sie nawpazy liata sao na parai khâh ei ta, Ei hro ta a ngiaroh ngaita. Ei lâpi liata khaohtlô na chao khâh ei ta, Âmo ta tlao ama tla tyh. Selah

HLAZY 72:19

A moh rônahpa cha chhâzaw ta reithaipa ta y sala, Leilô zydua he a rônahna ta bie mawh sy! Amen! Amen!

HLAZY 8:1

Hy Abeipa, eima Zibeipa, Alei chô zydua liata na moh a rônah kaw dia! Avâzy chô lâna khi ta na rônahna soh chi ta,

HLAZY 8:2

Chariahpa nata phuh latuhpazy padiahpa ta, Na khakhaipazy pahnie nawpa ta, Hawtipa nata hawsaihpazy pakah tawhta thatlôna na papua.

HLAZY 8:9

Hy Abeipa, eima Zibeipa, Alei chô zydua liata na moh a rônah kaw dia!

HLAZY 99:9

Abeipa eima Khazohpa cha pachônôsa u la, A tlâh pathaihpa liata a chhy teh u; Abeipa eima Khazohpa cha pathaihpa a châ.

HLAZY HLA 5:16

Ano cha a reikah a thlôh chaipa châ ta, Kho a pao chaipa a châ. Hy Zerusale zuahzy saih u, Ei lôhdupaw cha ano cha châ ta, Ei viasapa cha ano cha na a châ.

HLAZY HLA 5:9

Hy chanôzy hry liata chhithai chainô y, Khâpa liata ma na lôhdupaw cha mohropazy hlâta a pha via tly? Khâpa liata ma na lôhdupaw cha mohropazy hlâta pha via ta, Cha hawhta bie miah na pataihsa tly?

ISAI 12:4

Cha noh liata hetana heta nama tah aw: “Abeipa lâ alyna bie hlâ u la, A moh pado teh u; A hmotaopazy cha phopizy hry liata pahnosa u la, A moh cha cheihchalopa a châ tahpa ta phuah teh u.

ISAI 33:5

Vâ chô sâhpa liata a pahrâpa a châpa vâta, Abeipa cha cheihchalopa ta y ta, Zaio cha adona nata siana ta a pabie aw.

ISAI 6:3

Chatawhcha serâfi pakha ta serâfi hropa hnohta, “Pheisaihzy Abeipa cha, A pathaih na, a pathaih na, a pathaih na; Leilô zydua a rônahna ta a bie,” tahpa ta a awsao raihrie ei ta.

ZEKARIA 9:17

Kho amâ chhih awpazie nata amâ ngia awpazie rimâ cha! Kôvei phapa ta satliazy pasosâhsa aw ta, Kresawhti thiehpa ta laihsazy a pasosâhsa aw.

MATHAI 6:13

Reipasaona lâta miah a chhi khah y, Moleipa tawhta miah pachha mah y. Khinarâh zy, hmotaotheina zy, rônahna zy, Chhâzaw nata tlyzaw ta na eih châ tlôh ta. Amen.’

EPHESI 4:10

A zâ chôpa tlai kha, avâ zydua chô lâ a khypa cha châ ta, lei nata vâ cha ano ta a bie khai haw.

PHILIPI 3:8

Cha dei châ vei, ei Beipa Zisu Krista pahnopa cha hmo hropa zydua hlâta sôh via ta, chavâta hmo to kyna ta ei rao khai. Krista cha ei thôhkhei thei nawpa ta, ano vâta hmo to ky na ta, hmo hropa zydua cha hnaihny hawh dei ta ei rao.

1 PITY 3:22

Zisu Krista cha vârâh lâ kiah ta, Khazohpa chachâh lâta y ta, vâlyuhchâpazy, biehneinazy nata hmotaotheinazy cha ano rei sai ta y awpa ta taopa ama châ.