HLAZY 147:13 - Mara Bible RV (BSI)

¹³ Ano ta na thokhy chhikao lâhreizy pa-isa ta, Na chhôh liata na sawzy byhnâ a awpa tyh ei.

HLAZY 147:13 ပူးပေါင်းရင်းမြစ်များ

NEHEMIAH 12:30

Theihthaipazy nata Livai pathlazy cha a pathai ei ta, zawpizy nata chhikaozy nata thokhy chhao ama pathai.

NEHEMIAH 6:1

Chatawhcha Sanbâlâ, Tôbia, Arabia chyhsa Kese nata eima chariah hropazy ta thokhy ei paduapathi khai hapa nata a pyupa rai a y khao leipa thâtih vaw thei ei ta. Thokhy chhikao ochhizy deikua tao mâh va na.

NEHEMIAH 7:1

Thokhy cha palohpa châ ta, ochhizy tao na ta, chhikao vaituhpazy, hlasathaipazy nata Livai pathlazy ei rao khai nahta,

NEHEMIAH 7:3

Ama hnohta, “Zerusale thokhy chhikaozy he noh a sah hlâta pahypa châ khah sy. Chhikao vaituhpazy ta ama vai nota, ochhi lâhreizy hrai khaipa châ mawh sy. Zerusale khihsawzy tawhta vaituhpazy rao aw ei chi ta, thokha ama vaina su raopa liata vaih ei sala, thokha âmo o dady chyu ta vaih mawh ei sy,” tah na ta.

HLAZY 125:2

Tlâhpizy ta Zerusale a chadôpa hawhta, Abeipa ta a phopi cha tahmâ tawhta chhâzaw ta a ypâ lymâ aw.

HLAZY 144:12

Eima sawchapawzy thyutlia lochona daihti cha, Chichei daw phapa hawhta châ ei sala; Eima sawchanôzy thyutlia lochona daihti chhao, Abei o liata otôh khiepazy hawhta châ mawh ei sy.

HLAZY 51:18

Nâ lynazie hawhta Zaio chô liata hmopha tao la, Zerusale thokhyzy padua mah y.

ZEREMIAH 33:10

“Abeipa ta hetana heta a tah: ‘He he chyhsapa nata râhsa y leina roryhrana su a châ’ nama tahpa su, chyhsapa tlyma, a chhôh liata a pahrâpa tlyma, râhsa tlyma y leina Zudâh khihpizy nata Zerusale khiliahzy liana heta aozy thei heihpa a châ aw.

ZEREMIAH 33:11

Alyna nata thaphana aozy thei heihpa châ aw ta, myuhneituhpa nata myuh aozy chhao thei heihpa châ aw ta, Abeipa o lâta alyna biereina hmohlâpa a vaw cheihpazy ao chhao thei heihpa châ aw ta, “‘Pheisaihzy Abeipa hnohta alyna bie reih teh u, Abeipa cha pha ta, A kyhpachâna tlyzaw ta a ypa a châ!’ ama tah aw. Hmiatuapa daihti hawhna khata, râh cha vânoh ei patosa heih aw,” Abeipa ta a tah.

CHAPHÔHTUNA 4:12

Khakhaipa nata chariahpa ta Zerusale thokhy chhikao â ngia thei awpa cha, Lei beizy ta zo leipa ei ta, Khizaw chyhsa ahy hmahta zo veih ei.

DÂNIAH 9:25

Chavâta he he pahno la, na novâh mawh sy. Zerusale padua pathi awpa nata sa pathi awpa ta bie a pua tawhta Mesia Bei â vyna taihta hâta ei sari a châ aw. Hâta ei sycharu nata ei no chhôh tlyliah nata khaohtlôzy taopathipa châ aw ta, châhrasala he chhôh he daihti rairuna a châ aw.