HLAZY 145:3 - Mara Bible RV (BSI)

³ Abeipa cha rônah ta, Rônahpa ta reithai awpa a châ; A rônahzie cha, A laichadai khai thei rimâ awpa châ vei.

HLAZY 145:3 ပူးပေါင်းရင်းမြစ်များ

1 THÂTIHZYRONA 16:25

Abeipa cha rônah ta, Thata reithai awpa châ ta, Khazoh zydua hlâta chi chai awpa a châ.

ZAWBÂ 26:14

Moh teh u, hezy he a lâpi chyhta palâsapa dei châ ta, A bieparu chyhta eima theipa dei a châ. Chavâta a hmotaotheina tôkalôhpa chhochhi cha, Ahy ma a pahno thei aw?” tah ta.

ZAWBÂ 36:26

Pachâ teh, Khazohpa cha rônah ngaita ta, Keimo deikua ta pahno ma pi; A kô ziepa chhao reipati theipa châ vei.

ZAWBÂ 37:23

Atotaotheipa cha hmô thei leipa pi ta, Ano cha hmotaotheina rônahpa a hneipa a châ; Adona nata siana hluhpi chhao hnei ta, Âdoleipa ta hmo tao beih vei.

ZAWBÂ 5:9

Ano cha hmo rônahpa nata pahno pha leipazy taotuhpa châ ta, Hmo noâhchhihpa rei tiah leipazy taotuhpa a châ:

ZAWBÂ 9:10

Ano cha hmo rônahpa pahno thei leipa taotuhpa châ ta, Hmo noâhpa rei tiah leipazy taotuhpa a châ.

HLAZY 139:6

Cha tlu ta pahnona cha, Kei châta noâhchhihpa châ ta; A sâh tu ha ta, Ei pahnona ta a pha khao vei.

HLAZY 147:5

Eima Beipa cha rônah ta, Hmotaotheina lai ngaitapa a hnei; A novâhna thlie thei awpa châ vei.

HLAZY 48:1

Abeipa cha rônah ta, Eima Khazohpa khihpi tlâh pathaihpa liata, Rônah ngaitapa ta reithai awpa a châ.

HLAZY 96:4

Abeipa cha rônah ta, Thata reithai awpa châ ta, Khazoh zydua hlâta chi chai awpa a châ.

ISAI 40:28

Pahno beih va chi ma? Thei beih va chi ma? Abeipa cha tlyzaw Khazohpa châ ta, Khizaw kaokih a Taotuhpa mah a châ tâh. Panao beih leipa ta, A thachhâ beih vei; A novâhzie chhao, A laichadai thei awpa rimâ châ vei.

RAWMA 11:33

Hy â thu kaw dia, Khazohpa hneirôna, Sona nata pahnona zy cha! A ryureinazy pahno thei awpa châ leipa ta, A lâpizy chathô thei awpa châ vei.

BIEPHUAH 15:3

Khazohpa chakaotuhpa Mawsi hla nata Mietakutaw hlazy hetana heta ama sa: “Hy Atotaotheipa Abeipa Khazohpa, Na hmotaopazy rônah ta, Noâh â chhih kaw dia! Hy phopizy Beichaipa, Na lâpizy sia ta, Â do kaw dia!