HLAZY 145:17 - Mara Bible RV (BSI)

¹⁷ Abeipa cha a yzie zydua liata sia ta, A hmotaopa zydua liata ngâchhihpa a châ.

HLAZY 145:17 ပူးပေါင်းရင်းမြစ်များ

ÂTHAONA 18:25

Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.

2 SAMUELA 22:31

“He Khazohpa lâpi cha phapaki ta, Abeipa bie cha â dozie pasia hapa châ ta, Ano a chhaituhpa zydua châta vyhphao a châ.

ZAWBÂ 34:10

“Chavâta nâmo, hmo a pahno thaipazy saih u, Na nathlie teh u; Khazohpa cha hmo moleipa tao beih leipa aw ta, Atotaotheipa cha hmo doleipa tao beih aw vei.

ZAWBÂ 34:12

Khazohpa cha hmo moleipa tao beih leipa aw ta, Atotaotheipa ta adona pakosa aw vei.

HLAZY 103:6

Abeipa cha siana ta rai hria ta, Tlybaipa zydua châta adona ta a hriapa ei.

HLAZY 112:4

Chyhsa dopa châta cha, Zohna liata a y no chhao ta khaihna a vaw pua tyh; Abeipa cha ngiachhiena nata zawngiahna a hneipa châ ta, Khazohpa siapa a châ.

HLAZY 116:5

Abeipa cha ngiachhie theipa nata asiapa châ ta, Eima Khazohpa cha zawngiah theipa a châ.

HLAZY 50:6

Avâzy ta a siana phuah ta, Khazohpa ano tlai cha pachiatuhpa a châ. Selah

HLAZY 89:14

Siana nata adona cha na beidyuchhai abôna châ ta, Kyhpachâna nata ngâchhihna na hmia lâta ama sie.

HLAZY 97:2

Meihdo nata zoh kaluhpa ta Abeipa chadô ei ta, Siana nata adona cha a beidyuchhai abôna a châ.

ISAI 45:21

Reih u la, nama bie cha a vaw duakhei teh u; A saohiah tua tlai ei sa! Khahlâ tawhta ahy ma a chhochhielie tyh? Hlâno tawhta ahy ma a phuah tyh? Kei, Abeipa he châ va na ma? Keima leipa ta khazoh hropa y veih ei; Kei he Khazohpa siapa nata Pachhatuhpa cha châ na ta, Keima leipa ta ahropa y veih ei.

ZEPHANIA 3:5

A chhôh liata a ypa Abeipa cha sia ta, Hmo doleipa tao beih vei; My chareih ta a ryureina dopa palâsa ta, Â doleipa ta ryureih beih vei. Chyhsa doleipa deikua cha, Nozana châh chhao pahno vei.

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

RYHPACHANEINA 32:4

“Lôpanô cha a hmotaopazy siapaki ta, A lâpi zydua â do. Ano cha Khazohpa ngâchhihpa châ ta, Paraona hnei leipa ta, Asiapa nata adopa a châ.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.

BIEPHUAH 19:2

A pachiana a do ta a sia; A sihryhna ta leilô a papuapa âzuahnô rônahpa cha, Khazohpa ta pachia ta; A chakaotuhpazy thisaih phuh cha, Âzuahnô chô liata a la haw,” tah ei ta.

BIEPHUAH 4:8

Hmohrohneipa miapalihzy cha mathlaw miacharu hnei chyu ei ta, ama pôhpa chô lâ nata chhôh lâ mokhaoh ta a biepa ama châ. Chatanachata, “Atotaotheipa Abeipa Khazohpa, A y hapa, a y haipa nata a vaw y awpa cha, A pathaih na, a pathaih na, a pathaih na,” tahpa ta a chalih beih leipa ta, chhô nah zâ ta ama reithai.