HLAZY 144:14 - Mara Bible RV (BSI)

¹⁴ Eima viahchaozy vô lymâ ei sala, Hrih leipa ta pataw lymâ mawh ei sy. Eima lâlaizy liata, Chana nata pachârôhna zy y khah sy!

HLAZY 144:14 ပူးပေါင်းရင်းမြစ်များ

ZAWBÂ 39:11

A thatlô ngaitapa vâta ano liata a pahniehpa ta, Na raihria awpa ano na thy thlu khai aw ma?

ISAI 24:11

Kresawhti y leipa vâta lâlaizy liata awhsâh ei ta, Palôh thaphana zydua zoh ta, Lei lyna a lei haw.

ISAI 65:19

Zerusale chô liata a ly aw na ta, Ei phopi chô liata ei tha a pha aw. Cha liata chana pyu theipa châ khao leipa aw ta, Nôpopa ta a awhpa pyu chhao theipa châ khao aw vei.

ZEREMIAH 14:18

Lyu lâ ei sie tita, Zaozi ta thiepazy sai hmô ei na ta; Khihpi liata ei ngia nota, Chakâhna vâta riethei pasataona sai ei hmô. Hrohsopazy nata theihthaipazy cha, Ama rai hriapa ta râh chahryh ei ta, A pachâ nawpa rai pahno veih ei.’”

ZEREMIAH 14:2

“Zudâh cha mâchhiesa ta, A thokhy chhikaozy a ry khai haw; Chaphôhtupa ta alei liata a byu ei ta, Zerusale awhsâhpa pyu a paro ngaita.

THEIHTHAINA 26:6

Râh cha thlalôhpa ta paysa aw na ta, a zia aw ei chi ta, ahy hmahta cha pachisa aw veih ei. Sahrâhpazy râh tawhta to khai aw na ta, zaozi ta nama râh chahryh aw vei.

RYHPACHANEINA 28:25

“Abeipa ta nama chariahzy hmiakô liata cha panawh aw ei ta, âmo a dyuh awpa ta lâpi miakha a chhih aw ei chi ta, lâpi miasari lâta ama hmiakô liata namâ râpai aw. Chatanachata khizaw khinarâh zydua chipa ta a paysatuhpa nama châ aw.

RYHPACHANEINA 28:7

“Châ dyuhtuhpa nama chariahzy Abeipa ta nama hmiakô liata panawhsa aw ta, châ dyuh awpa ta lâpi miakha tawhta a vaw ngia aw ei ta, lâpi miasari lâta amâ râpai aw.

RYUREITUHPAZY 5:8

Khazoh thiehpazy amâ la nahta, Thokhy chhikaozy liata adyuhna a vaw y tyh. Vyhphao tlyma, asei tlyma, Izarei thy palih hry liata hmô awpa a y ma?

RYUREITUHPAZY 6:3

Izarei ta chi a chei daihti maihta, Midia mo, Amale mo nata nochhi sawzy a vy ei ta, Izarei sawzy cha a dyuh tyh ei ta.

RYUREITUHPAZY 6:6

Midia vâta Izarei cha riethei sipasa ngaitapa ta y ta. Chatawhcha Izarei sawzy ta Abeipa pado ei ta.

1 SAMUELA 31:7

Izarei mo a râpai ei ta, Sawla nata a sawchapawzy ama thi hapa cha, Saikao haosâ lâta Izarei chyhsa a ypazy nata Zawdâh haosâ lâta a ypazy ta ama hmô nahta, ama khihpizy puasaipa ta a râpai khai ha ei ta. Philistinâ mo a vy ei ta, Izarei khihpizy liana cha ama vaw pahrâ haw.