HLAZY 140:10 - Mara Bible RV (BSI)

¹⁰ Meihei iapazy ta âmo cha tla thlu sala, Mei liata thypa châ mawh ei sy! Thyu heih khao lei awpa ta, Khaohtlô athupa lâ thypa châ mawh ei sy!

HLAZY 140:10 ပူးပေါင်းရင်းမြစ်များ

ÂTHAONA 19:24

Abeipa ta Sawdawmâ nata Kawmawrâ chô liata vârâh tawhta mei nata kaih pasuasa ta. Vârâh liata a ypa Abeipa tawh tlai ta a zâ suahpa a châ.

HLAZY 11:6

Moleipazy chô liata meiia nata kaih pasuasa sala, Ziza sahpa cha ama tovyuh nyu châ mawh sy.

HLAZY 120:4

Pasaipha châtai pazaopa ta cha hrie aw ta, Ôphi tho meihei kâ ngâpa ta a cha hrie aw.

HLAZY 21:9

Nâ vaw luah tita âmo cha meihô hawhta tao aw chi ta, Abeipa ta âmo cha a pathi iapa ta palâ khai aw ta, Meisaih ta a kâ patlô khai aw ei.

HLAZY 55:23

Châhrasala Hy Khazohpa, Moleipazy cha leidiana khaohtlô liata pathla aw chi ta, Thisaih a palopa nata chyhsa a dôveipazy cha, Ama chhâ khophie chhao hroh aw veih ei. Kei deikua cha, nâ ei cha ngâ aw.

HLAZY 64:9

Chatanachata chyhsa zydua ta chipa ta, Khazohpa raihria phuah aw ei ta, A hmotaopazy ama pachâ aw.

HLAZY 7:17

Abeipa cha a siana vâta a chô liata alyna bie reih aw na ta, Abeipa Chônôchaipa moh reithaina hla ei sa aw.

BIESOZY 28:10

Lâpi doleipa liata chyhsa dopa a pasiesatuhpa cha, Ano khaohtlô chaopa lia tlai ta tla aw ta; Chyhsa phapakipazy deikua cha, Ryu phapa ama to aw.

BIESOZY 28:17

Chyhsa thisaih maoh a phaohpa cha, Khaoh­tlô lâ a râ aw ta, Ahy ta hmah bao khah sy.

MATHAI 13:42

moleipazy cha patina meihô liata ama thy aw. Cha liata chana nata hâh chariehna a y aw.

MATHAI 13:50

moleipazy cha patina meihô liata ama thy aw. Cha liata chana nata hâh chariehna a y aw.

BIEPHUAH 20:15

Ahy rai hrona châbu liata a moh ropa hmô awpa a y leipa cha, mei tipo liata thypa a châ.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.