HLAZY 14:1 - Mara Bible RV (BSI)

¹ Ahrupa ta ama palôh liata, “Khazohpa y vei,” a tah tyh. Avyuhna tao ei ta, Hmo pasichhihpazy tao ei ta, Hmo pha a taopa rai y veih ei.

HLAZY 14:1 ပူးပေါင်းရင်းမြစ်များ

ÂTHAONA 6:5

Alei chô liata chyhsapa cha thata vaw molei ta, a palôh phaozie chhao, khatino rai ta moleina lâ a heihpa a châzie Abeipa ta hmô ta.

ZAWBÂ 15:16

Chyhsa pasichhihpa nata avyuhpa, Ti hawhta adoleina a dohpa chhochhi cha, A mohmô liata a tloh lei pachai aw dia!

ZAWBÂ 22:13

‘Khazohpa cha khâpa ma a pahno tly? Zohna chatôhpa ta ryureih thei bao aw vei.

HLAZY 10:4

Hmoparaopa apalaina hmia a phaohpa cha, Khazohpa tlua leipa ta, A pachâna zydua liata, “Khazohpa y vei,” a tah tyh.

HLAZY 107:17

Thokha cha hru kawpa ta moleina lâpizy a chhih ei ta, Ama paraonazy vâta pasataopa ta ama y.

HLAZY 53:1

Ahrupa ta a palôh liata, “Khazohpa y vei,” a tah tyh. Avyuhna tao ei ta, Moleina pasi chhihpa tao ei ta, Hmo pha a taopa rai y veih ei.

HLAZY 73:3

Moleipazy vâphana ei hmô nahta, Apalaipazy ei uahva kaw tyh ei.

HLAZY 92:6

Ahrupa ta pahno thai leipa ta, Angâpa ta he kyh he a novâh vei:

BIESOZY 1:22

“Nâmo sona a phahlapazy saih u, So leipa ta ypa he khachâ ma nama pasô chy aw tly? Pasipasawh a thaipazy ta khachâ ma chyhsa pasipasawhpa paphasa aw ei ta, Ahrupazy ta khachâ ma pahnona amâ hao aw tly?

BIESOZY 1:7

Abeipa china cha novâhna athaona châ ta, Ahrupazy ta sona nata pachuna ama mohnao tyh.

BIESOZY 13:19

Khopa hmôpa cha hro châta thlôh ta, Moleina siesaipa deikua cha ahrupazy châta pasichhihpa a châ.

BIESOZY 27:22

Ahrupa sôkhaoh liata sâh chhaota Sôkhaih ta daih hra la, Ahruna ta ano cha siesai hlei aw vei.

BIECHHOTUHPA 7:20

Alei chô liana heta chyhsa siapa, A molei beih leipa pakha hmah y veih ei.

ISAI 1:4

Âh, râh moleipa châ ei ta, Paraona a phaohpa phopi ama châ; Moleina hmo a taopa chipathla châ ei ta, Avyuhna a taopa sawzy ama châ. Abeipa siesaipa ta, Izarei Pathaihpa cha mohnao ei ta, Hnôh ama chhy haw.

ZEREMIAH 5:12

Abeipa kyh haipa ta reih ei ta, “Khâpa hmah tao hlei aw vei; Chhiena eima chô liata vaw tlô leipa aw ta, Zaozi nata chakâhna zy a tyh aw ma pi.

ZEREMIAH 6:28

Ama zydua ta palôh laipa nata chhorupa châ ei ta, Chyhsa a reipachhie thaipazy a kao tyhpa ama châ. Dawh nata thua châ ei ta, Avyuhna a taopazy ama châ.

MATHAI 12:34

Vâzi pathlazy saih u, nâmo moleipazy ta kheihta hmo phapa nama reih thei aw? Palôh liata a bie pakhôpa cha pakah ta a reih papua tyh.

MATHAI 15:19

Moleina pachâna, lianycheina, apheina, apatlana, paruna, haipa bie reipa nata reipachhiena zy he palôh tawhta a kaw puapa a châ.

LUKA 12:20

Châhrasala Khazohpa ta a hnohta, ‘Ahrupa! Tazâ he na thlahpa lapa châ aw ta, na hmo hneipazy kha ahyzy ma a to aw ei?’ tah ta.

EPHESI 2:12

Kha nona kha, Krista a hlao leipa ta y ei chi ta, Izarei râh nata a maniahpa ta, bietai biehraizy liata khichhaipa châpa ta, hnabeiseihna hnei leipa nata Khazohpa hnei leipa ta khizaw liata nama y.

TITU 1:16

Khazohpa pahno a tah ei ta, châhrasala ama hmotaopazy ta Khazohpa cha amâ paphasai. Pasichhihpa nata reingiah leipa châ ei ta, hmopha tao awpa ta khâpa kyh liata hmahta a tlâh a châ leipazy ama châ.

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.

1 SAMUELA 25:25

Ei zibeipa heta chyhsa chhiepa Nâbâ he pachâ hlei khah sy. A moh hawh tlai heta na a châ. Nâbâ moh a phaopa hawh tlai ta a hru ha hih. Kei, châ chakaotuhnô heta ei zibeipa satlia vaw tuapazy kha vaw hmô va na.