HLAZY 135:7 - Mara Bible RV (BSI)

⁷ Khizaw kaokih chhâna taihta meihdozy a pachhohsapa chhao ano châ ta, Ano ta vâsua châta dôhlazy tao ta, A hmo sopakhyna ozy tawhta thlih a pathlisa tyh.

HLAZY 135:7 ပူးပေါင်းရင်းမြစ်များ

1 ABEIZY 18:1

Noh hluhpi a khô tawhta, a kô thôhna kô liata, Abeipa bie Elaizâh hnohta vaw tlô ta, “Sie la, Ahabâ hnohta a kei luah mah y. Alei chô liata avâ ei pasuasa bâ aw,” tah ta.

ZAWBÂ 5:10

Alei chô liata avâ pasuasa ta, Râh liata ti a palosa.

HLAZY 107:25

Abeipa ta biepie ta thlihpipa pathlisa ta, Tichatlaopazy a pasâhsa tyh.

HLAZY 148:8

Mei nata pareih, dâhaw nata ameih zy saih u, Abeipa cha reithai u la; A bie a zyhpa thlihpizy saih u, Abeipa cha reithai teh u!

HLAZY 78:26

Avâzy liata nochhi thlih pathlisa ta, A hmotaotheina ta chho thlih a pathlisa.

ZEREMIAH 10:13

A ao a papua nahta, Avâ liata ti pyuzy paro ta, Khizaw kaokih tawhta ameihzy a pathyu tyh. Vâsua châta dôhla pathliesa ta, A ryubyh tawhta thlih a pathlisa tyh.

ZEREMIAH 14:22

Pho hropa khazohzy hry liata, Avâ a pasuasa theipa ama y ma? Avâzy khi ta avâ ama pasuasa thei ma? Hy Abeipa eima Khazohpa, Avâ a pasuasa theipa cha nâ deita châ va chi ma? He hmo zydua he nâma taopa a châpa vâta, Nâma lia deita ta eima hnabeiseihna a y.

ZEREMIAH 51:16

A ao a papua nahta, Avâ liata ti pyuzy paro ta, Khizaw kaokih tawhta ameihzy a pathyu tyh. Vâsua châta dôhla pathliesa ta, A ryubyh tawhta thlih a pathlisa tyh.

ZAWNA 1:4

Châhrasala Abeipa ta thlihpipa ru ngaitapa tilaipi chô liata vaw tuah ta, chatanachata chothyu ru ngaitapa tilaipi liata vaw pathli ta, balyh cha rao daihmâ ta.

ZEKARIA 10:1

Châhvâ daihti liata Abeipa lâ vâsua hiah u la, Vâ thlih a taotuhpa Abeipa lâta hiah teh u. Chyhsazy châta vâkatlâ pasuasa aw ta, Mo to hnohta lyurâh sibiepazy a pie aw.

ZAWHÂNA 3:8

Thlih cha a khona lâ maih a pathli tyh. A pyu thei chi ta, châhrasala khataih tawhta a vypa ma, khataih lâ ma a sie aw tahpa pahno va chi. Ahy rai Thlahpa ta a pihpa cha, cha hawhta ama y,” tah ta.