HLAZY 135:12 - Mara Bible RV (BSI)

¹² Ama râh cha ryuto châta Izarei pie ta, A phopi Izarei hnohta ama ryuto châta a pietuhpa kha Abeipa a châ.

HLAZY 135:12 ပူးပေါင်းရင်းမြစ်များ

HLAZY 78:55

Ama hmiakô liata phopizy papua ta, Ama râhzy cha Izarei chizy ryuto châta pachhaih ta, Izarei chizy cha phopizy poh ozy liata a pahrâsa ei.

MALUHREINA 33:54

A pho pho ta nuby a dao aw ei chi ta, râh cha ryuto châta namâ rai aw. Chi lai viapazy cha ryuto râh lai via pie aw ei chi ta, chi chyh viapazy cha ryuto râh chyh via nama pie aw. Nuby ta a tlupa hawhta ama tovyuh a châ lymâ aw. Ryuto râh cha châ pathlatuhpazy chi yzie lymâ hawhta nama to awpa a châ.

RYHPACHANEINA 29:8

Ama râh la pi ta, Rubena chi, Kâdâ chi nata Manase chi khophie pahrâ nawpa ta eima pie.

ZAWSUA 11:23

Abeipa ta Mawsi hnohta a reipa zydua hawhta, Zawsua ta Kâna râh zydua la khai ta, ama chi apachhaihnazie hawhta ama ryuto râh a pie chyu ei. Chatanachata adyuhna pai ta, râh cha thlalôhpa ta y ha ta.

ZAWSUA 12:7

Hezy he Zawsua nata Izarei sawzy ta Zawdâh notla lâta ama pahniepa râh beizy ama châ: Lebanaw saikao Bâlâkadâ tawhta Seirâ Tlâh a kaw dypa Hâlâ Tlâh taihta ama pahniepa râhzy cha Zawsua ta Izarei chizy hnohta ama chi apachhaihnazie hawhta ama ryuto châta a pie ei.