Ei moh y nawpa ta ei tlyhpa Zerusale khihpi liana heta nâ chakaotuhpa Dâvi cha meiôh a hnei lymâ thei nawpa ta, a sawchapawpa hnohta chi kha ei pie aw.
Châhrasala Abeipa ta Dâvi nata a pathlazy cha chhâzaw ta meiôh pie awpa ta bie â vaw taih hapa vâta, a chakaotuhpa Dâvi zawhzi ta Zudâh cha pahleipadia khoh vei.
Chatahrasala Abeipa ta Dâvi hnohta bie a vaw hrai hapa vâta nata ano nata a pathlazy taihta chhâzaw châta meiôh pie awpa ta bie â vaw taih hapa vâta, Abeipa ta Dâvi pathla cha pahleipadia khoh vei.
A mopathaihpa zydua rônahna châta, A phopi ki cheihchalo ta; A kiapâh liata a ypa Izarei sawzy châta, A phopi ki a cheihchalo haw. Abeipa cha reithai teh u!
Abeipa chariahpazy cha a tlawh ta keichheih aw ei ta, Âmo a dyuhpa ta avâ tawhta tôkalôhpa hawhta â thua thlu aw ei. Abeipa ta khizaw kaokih zydua pachia aw ta, Bei a paduapa hnohta thatlôna pie aw ta, A sathawthupa ki cha a cheihchalo aw.”