HLAZY 132:11 - Mara Bible RV (BSI)

¹¹ Abeipa ta Dâvi hnohta hetana heta bie a taih ha ta, A bietai pathleih aw vei: “Na sathei pakha na beidyuchhai liata patyu aw na ta,

HLAZY 132:11 ပူးပေါင်းရင်းမြစ်များ

2 SAMUELA 7:12

Na hro chhôh kôzy a kipa ta, châ pathlatuhpazy hnohta nâ zia tita, nâma châ thla awpa na pathla, na chhôh tawhta a puapa cheingei, cha paduapa aw na ta, â beinarâh ei pa-i aw.

2 SAMUELA 7:14

A paw châ aw na ta, ei sawchapawpa a châ aw. Hmo a parao khiahta cha, chyhsapa sôsi ta chhorei aw na ta, Âdâh sawzy chheina ta ei chhorei aw.

2 SAMUELA 7:16

Na pathlazy nata nâ beinarâh cha ei hmiakô liata chhâzaw ta a duah aw ei ta, na beidyuchhai chhao chhâzaw ta â duah aw,’ tahpa ta kei chho teh,” tah ta.

1 ABEIZY 1:48

Chatawhcha abei ta, ‘Abeipa, Izarei Khazohpa cha reithaipa ta y mawh sy! Ei beidyuchhai liata a tyuh awpa tanoh rao ha ta, ei mo tlai ta ei hmô haw,’ tahpa ta a rei pâ cheingei,” tah ta.

1 ABEIZY 8:25

Chavâta Hy Abeipa, Izarei Khazohpa y, châ chakaotuhpa ei paw Dâvi hnohta, ‘Na pathlazy ta ama lâpizy pakhâta ta pachâ ei sala, nâ ta ei lâpi nâ chhihpa hawhna heta, âmo chhao ta ei lâpi amâ chhih lymâ khiahta cha, Izarei beidyuchhai liata ei hmiakô lia a tyuh awpa chyhsa na pathlazy tawhta chie aw veih ei’, tahpa ta bie nâ vaw taihpa kha patlô mah y.

2 THÂTIHZYRONA 6:16

Chavâta Hy Abeipa, Izarei Khazohpa y, châ chakaotuhpa ei paw Dâvi hnohta, ‘Na pathlazy ta ama lâpizy pakhâta ta pachâ ei sala, nâ ta ei lâpi nâ chhihpa hawhna heta, âmo chhao ta ei ryhpa ama zyh lymâ khiahta cha, Izarei beidyuchhai liata ei hmiakô lia a tyuh awpa chyhsa na pathlazy tawhta chie aw veih ei’, tahpa ta bie nâ vaw taihpa kha patlô mah y.

2 THÂTIHZYRONA 7:18

na paw Dâvi hnohta, ‘Izarei chô liata ryu a reih awpa na pathla tawhta chie aw veih ei,’ tahpa ta bie ei hrai hapa hawhna khata, nâ beina beidyuchhai cha ei pa-i lymâ aw.

HLAZY 110:4

“Melkizade theihthaina yzie hawhta, Tlyzaw ta theihthaipa na châ aw,” tahpa ta, Abeipa ta bie châ taih ha ta, A palôh panano aw vei.

HLAZY 89:33

Châhrasala ei kyhpachâna tleih beih leipa cha, Ano tawhta la leipa aw na ta; Ei ngâchhihna ama chô liata tleih beih aw vei.

HLAZY 89:35

Ei pathaihna moh reipa ta, Chhâzaw châta ei kha bie a taih ha na ta; Dâvi hnohta haipa bie reih aw va na.

HLAZY 89:37

Thlâpâ hawhta tlyzaw ta a duah aw ta, Avâ liata pahnokheituhpa ngâchhihpa ta a y aw.” Selah

HLAZY 89:5

Hy Abeipa, avâzy ta na hmonoâhpazy reithai ei sala, Mopathaihpazy pakhypi liata na ngâchhihna reithai mawh ei sy!

MALUHREINA 23:19

Khazohpa cha chyhsapa a châ leipa vâta, Haih beih leipa ta; Chyhsa sawchapawpa a châ leipa vâta, A palôh panano beih vei. A rei hapa tao leipa ta a y aw ma? A chho hapa patlô leipa ta a y aw ma?

LUKA 1:32

Ano cha chyhsa rônahpa châ aw ta, Chônôchaipa Sawchapawpa bipa a châ aw. A pathlatuhpa Dâvi beidyuchhai cha Abeipa Khazohpa ta a hnohta pie aw ta,

HMOTAOPAZY 2:30

Dâvi kha hrohsopa châ ta, a pathla hry liata pakha cha a beidyuchhai liata a tyuh awpa ta Khazohpa ta bie â taihpa pahno thlâh ha ta.

HEBRAI 6:18

Chatanachata hmo anano beih leipa miano vâta, haipa bie rei awpa cha Khazohpa châta hmo thei leipa châ ta, a boh awpa ta ano lâ a râpazy pi heta eima hmiakô liata hnabeiseihna sopa cha thlalôhpa ta eima hnei thei aw.

1 SAMUELA 15:29

Izarei Rônahna cha haipa bie reih leipa aw ta, a palôh anano hra aw vei. Ano cha chyhsapa hawhta a palôh anano thaipa châ vei,” tah ta.