HLAZY 131:2 - Mara Bible RV (BSI)

² Hawti a nô sâhpi a pathleih hapa hawhta, Ei hro tha padâh ha na ta, A nô sâhpi a tlaichhai khao leipa hawhta, Ei hro ta hmo rônahpa nata khochhihpazy tlaichhai khao vei.

HLAZY 131:2 ပူးပေါင်းရင်းမြစ်များ

HLAZY 42:11

Hy ei thlahpa, khazia a khu chi ta, Khazia ei chhôh liata a tymâpa ta na y? Khazohpa hnabeiseih mah y. Ano cha reithai heih aw na ta, Ei pachhana nata ei Khazohpa cha ei reithai aw.

HLAZY 42:5

Hy ei thlahpa, khazia ma a khu chi ta, Khazia ma ei chhôh liata a tymâpa ta na y? Khazohpa hnabeiseih mah y. Ei pachhana cha reithai aw na ta,

HLAZY 43:5

Hy ei thlahpa, khazia a khu chi ta, Khazia ei chhôh liata a tymâpa ta na y? Khazohpa hnabeiseih mah y. Ano cha reithai heih aw na ta, Ei pachhana nata ei Khazohpa cha ei reithai aw.

HLAZY 62:1

Ei hro he Khazohpa lia dei ta apahâna hmô ta, Ano tawhta ei pachhana a vaw tlô.

ISAI 30:15

Abeipa Zehôvâh, Izarei Mo Pathaihpa ta hetana heta a tah: “Rona nata apahâna liata nama pachhana y ta, A thlih thlâh hana nata ngâna liata nama thatlôna a y.” Châhrasala khoh leipa ei chi ta,

CHAPHÔHTUNA 3:26

Abeipa pachhana hmô awpa ta, A chalihpa ta hâpa cha hmo phapa a châ.

MÂKA 10:15

Hmeiseihta ta ei cha chho ei, Khazohpa khinarâh cha, hawti a lypa hawhta a ly leipa maihta a ngia cheita aw veih ei,” tah ta.

LUKA 21:19

Riethei nama tao hualuana ta nama hrona nama pabohsa aw.

1 KAWRINI 14:20

Unawh saih u, hawti palôh phaoh khah u. Moleina kyh liata cha hawsaih hawhta châ u la, palôh lâta deikua cha pitlohpa ta y teh u.

1 SAMUELA 24:10

Pachâ teh, tanoh lôpu liata Abeipa ta nâ cha ei ku liata na hlâ ta, cha cha na mo tlai ta tanoh na hmô haw. Thokha ta cha thie awpa ta na chho ei ta, châhrasala cha pahro na ta, ‘Ei zibeipa chô liata ei ku rai hy aw va na, Abeipa sathawthupa a châ hih,’ tahpa ta ei chho ei.

1 SAMUELA 30:6

Chyhsa to ta ama sawchapawzy nata sawchanôzy vâta palôh pasa ngaitapa ta y ei ta. Chavâta Dâvi cha alô ta vaw awpa kyh reih ei ta. Dâvi cha a nôpo kaw ta. Châhrasala Dâvi cha Abeipa a Khazohpa liata tha a patlô ta.