HLAZY 12:3 - Mara Bible RV (BSI)

³ Abeipa ta hmiahmôchâna hmaozy chhawh pathlah sala, Apalaina paleih chhao chhawh pathlah sala,

HLAZY 12:3 ပူးပေါင်းရင်းမြစ်များ

ZAWBÂ 32:22

Papyupahlyzie chhao thai hra va na, Chataleipatala nâ Taotuhpa ta thlai eina la pathlei aw na.”

HLAZY 116:11

Chipa ta y na ta, “Chyhsapa zydua a haihpa sai ama châ,” Ei vaw tah thlâh ha cha.

HLAZY 140:12

Abeipa ta pasa a taopazy â duakhei aw tahpa pahno na ta, Phahlapazy châta amâ dona â duakhei aw tahpa ei pahno.

HLAZY 17:10

Thapasana kyh liata ama palôhzy khaw ei ta, A khotlâh kawpa ta ama pakah ta bie ama reih tyh.

HLAZY 55:22

Na phaohri Abeipa liata pachhô la, Ano ta tha a cha patlô aw; Mosiapa cha pao pasaih beih aw vei.

PUASAINA 15:9

Chariahpa ta, ‘A chadai aw na ta, ei pha aw, Hraona sôh rai aw na ta, Âmo vâta lôhrâtlôpa ta ei y aw; Ei zaozi phia aw na ta, Ei ku ta âmo cha a pahleipadia aw,’ tah ta.

BIESOZY 18:21

Paleih hmotaotheina liata thina nata hrona y ta, A pasôtuhpazy ta a theizy ama nie aw.

BIESOZY 26:24

Ahaona a hneipa cha a hmao liata nyuthu tyh ta, A palôh liata deikua cha dôveina a paveih tyh.

ISAI 10:10

Ei ku ta nothlahpa abeinarâhzy tlô ha ta, Zerusale liata nothlahpazy hlâta rônah via ei ta, Samâri liata nothlahpazy hlâta ama rônah via.

ISAI 59:4

Ryureina liata adona a duakheipa y leipa ei ta, Biedopa a reihpa y veih ei. Bie ruapa a duakheipa ta, Haipa biezy reih ei ta; Adoleina saw phaoh ei ta, Moleina saw ama sa tyh.

ZEREMIAH 12:6

Na unawhpa, na paw pathlazy cheingei ta, Âmo tlai ta cha dôvei ei ta; Cha chadai ei ta, A paropa ta ama cha awsao khawh. Bie pha châ chho hra ei sala, Âmo cha zo khah y.”

ZEREMIAH 9:8

Ama paleih cha thina châtai châ ta, Dôveipa ta bie a reih tyh. Chyhsa ta a pakah ta a vaih hnohta adyhna bie reih ta, A palôh liata deikua cha ano a byh nawpa a pachâ tyh.

EZEKIA 28:2

“Chyhsa sawchapawpa y, Tyre bei hnohta reih teh, Abeipa Zehôvâh ta hetana heta a tah: “Na palôh lai ta, ‘Khazoh châ na ta, Tilaipizy liah liata, Khazohzy dyuchhai liata ei tyuh,’ tah chi ta, Châhrasala chyhsapa dei na châ; Khazoh palôh hawhta na palôh tao hra la, Khazohpa châ va chi.

EZEKIA 28:9

Khazoh châ leipa chi ta, Chyhsapa deita na châ; Châ thietuhpazy mohmô liata, “Khazoh ei châ,” khâ na tah aw ma? Châ nyhtuhpazy ku liata, “Khazoh ei châ,” khâ na tah aw ma?

EZEKIA 29:3

‘Abeipa Zehôvâh ta hetana heta a tah,’ tah teh: “Nâ, Izi bei Phiraoh, Chavahzy liah liata tisadâh rarôh ypa, ‘Nile chavah he kei eih châ ta, Keima châ tlai ta ei taopa a châ,’ a tahtuhpa y, Moh teh, ei châ dyuh hih.

DÂNIAH 7:25

Chônôchaipa chakhiana biezy reih aw ta, Chônôchaipa mopathaihpazy cha ama rie a pathei aw; Daihtizy nata ryhpazy panano a chhuah aw ta, Daihti miakha, daihtizy nata daihti khophie chhôh cha, A ku liata mopathaihpazy piepa a châ aw.

DÂNIAH 7:8

Kizy thâtih ei pachâ hai nota, ama hry tawhta ki hropa miakha, ki chyhpata kaw thao ta, ki hmiatuapa miathôhpazy kha ama tharizy chhaota a hmiakô liata thlopa ta y ei ta. Cha ki cha chyhsapa mozy hawhta mozy hnei ta, a palai ngaitapa ta bie a reihpa pakah a hnei.”

MALAKHAI 3:13

“Eina chakhiana ei chi biezy a pasa ngaita,” Abeipa ta a tah. “Châhrasala nâmo ta, ‘Kheihta ma nâma chakhiana biezy cha eima reih?’ nama tah.

2 PITY 2:18

A patahtheisa kawpa ta bie hraoleipazy reih ei ta, moleipa chyhsazy tawhta a râ dyupazy cha, sapa aohraohna moleina liata ama pahluasa tyh.

ZUDÂH 1:16

Cha hawhpa chyhsazy cha, ama moleina hmo khopazy chadaipa ta, paphôhpalyuh thaipa nata reipasipasua a hmâhpazy châ ei ta, athôhna hmô khoh vâta khokhei viapa hneipa ta, pakah kawhpa ta a palaipazy ama châ.

BIEPHUAH 13:5

Chatawhcha apalaina nata Khazohpa reipachhiena pakah a hnohta piepa châ ta, thla sypalih nata thla no chhôh biehnei awpa ta pasaipa a châ.

1 SAMUELA 2:3

“A palai ngaitapa ta bie reih khao leipa u la, Nama pakah tawhta sâlâna bie pua khao khah sy; Abeipa cha pahnona Khazohpa châ ta, Chyhsa hmotaopazy kho a pathliahtuhpa a châ.