HLAZY 119:98 - Mara Bible RV (BSI)

⁹⁸ Na biepiepazy ei hnohta khâ a ypa vâta, Ei chariahpazy hlâta so viapa ta eina tao.

HLAZY 119:98 ပူးပေါင်းရင်းမြစ်များ

HLAZY 119:11

Na bie ei palôh liata a vao na ta, Chavâta na chô liata molei khao aw va na.

HLAZY 119:30

Ngâchhihna hro a tlyh ha na ta, Na ryhpazy ei vao thlâh haw.

BIESOZY 2:6

Sona cha Abeipa piepa châ ta, A pakah tawhta pahnona nata novâhna a pua.

BIESOZY 28:5

Chyhsa chhiepazy cha adona kyh ama novâh leipa ta, Abeipa a tluatuhpazy deikua cha adona kyh liata tlokhuh ama no a vâh.

RYHPACHANEINA 4:6

Chavâta zyh u la, tao muh vy. Cha cha phopizy mohmô ta nama sona nata novâhna a châ aw. Chatanachata bieraopa zydua cha ama thei tita, “He phopi rônahpa he phopi sopa nata novâhpa tlai na ama châ,” ama tah aw.

RYHPACHANEINA 4:8

He tlu ta adopa ryhpa tanoh nama hmiakô liata ei sopa zydua hawhpa bieraopa nata pachiana a hnei hrapa kheihawhpa phopi rônahpa ma a y?

KAOLAOSÂ 3:16

Krista bie cha nâmo liata biepakhôpa ta y mawh sy. Sona to ta a pachupa ta a chhorei raihrie u la, palôh alyna chôta, reithaina hlazy nata thlahpa hlazy Khazohpa lâ sa teh u.

ZÂMIE 1:25

Khotalaina ryhpa pakipa cha moh ta, cha hawhta hroh ta, ryhpa cha thei ta, thlai a mypa châ leipa ta, zyh ta, ryhpa hawhta a taopa chyhsa cha, a hmotaopa liata thlaochhipa ta a y aw.

1 SAMUELA 18:14

Abeipa a hnohta a ypa vâta, Dâvi cha a hmotaopa maih liata hlaotlohna hmô lymâ ta.

1 SAMUELA 18:30

Philistinâ pheisaih hyutuhpazy ta a dyuh awpa ta vaw pua tyh ei ta, ama vaw puana maihta Dâvi cha Sawla chakaotuhpa zydua hlâta a hlaotloh via lymâ ta, chavâta a moh pathâh ngaita ta.

1 SAMUELA 18:5

Sawla ta a tuana lâ maih Dâvi cha sie ta, a hlao a tloh lymâ tyh. Chavâta Sawla ta Dâvi cha pheisaih hyutuhpa ta tao ta. Cha cha chyhsa zydua pachâna liata nata Sawla chakaotuhpazy pachâna liata chhao pha tah ngaita ei ta.