HLAZY 119:88 - Mara Bible RV (BSI)

⁸⁸ Na pakah bieraopazy ei zyh lymâ thei nawpa ta, Na kyhpachâna ta na pabohsa mah y.

HLAZY 119:88 ပူးပေါင်းရင်းမြစ်များ

HLAZY 119:124

Na kyhpachâna tleih beih leipa hawhta, Châ cha­kaotuhpa chô liata tao la, Na bieraopazy na pachu mah y.

HLAZY 119:146

Cha pado na ta, Na pachha mah y; Na bieraopazy cha ei zyh lymâ aw.

HLAZY 119:149

Na kyhpachâna tleih beih leipa vâta ei ao thei la, Hy Abeipa, na ryhpa hawhta na pahro heih mah y.

HLAZY 119:159

Na pachunazy ei pasôzie he pachâ la, Hy Abeipa, na kyhpachâna tleih beih leipa vâta, Ei hrona he pabohsa mah y.

HLAZY 119:2

A bieraopazy a zyhtuhpazy cha nohlao ei ta, Pathipalôh tlokhuh ta ano a tluapazy cha ama nohlao na.

HLAZY 119:25

Ei hro he dohlei liata khâchâ a bai ha ta, Na bie hawhta na pahro heih mah y!

HLAZY 119:40

Na pachunazy ei vâ ngaita; Na siana vâta na pahro heih mah y!

HLAZY 132:12

Na sawzy ta ei biehrai zyhpa ta, Âmo ei pachu awpa ei bieraopazy ama zyh khiahta cha, Ama sawzy chhâzaw ta na beidyuchhai liata amâ tyuh lymâ aw.”

HLAZY 25:10

A biehrai nata a ryhpa a zyhtuhpazy châta la, Abeipa lâpi zydua cha kyhpachâna nata ngâchhihna sai a châ.

HLAZY 78:5

Zakaw châta bieraopa padua ta, Izarei châta ryhpa a tao; Ama pathlazy pachu awpa ta, Miah pathlatuhpazy hnohta bie a pie ei.