HLAZY 119:58 - Mara Bible RV (BSI)

⁵⁸ Ei palôh tlokhuh ta na khokheina cha hiah na ta, Na bietai hawhta na ngiachhie mah y.

HLAZY 119:58 ပူးပေါင်းရင်းမြစ်များ

1 ABEIZY 13:6

Chatawhcha abei ta a chhy ta, Khazohpa chyhsa hnohta, “Ei ku he a tlâh heih thei nawpa ta Abeipa na Khazohpa lâ ngiachhiena na hiapa la, thlah na chhâpa teh,” tah ta. Khazohpa chyhsa ta Abeipa lâ thlahchhâ ta, abei ku cha vaw tlâh heihpa ta, a y tyhpa hawhta vaw y ha ta.

ZAWBÂ 11:19

A zia awh chi ta, Ahy hmahta cha pachisa leipa aw ei ta, Chyhsa hluhpi ta na khokheina ama tlua aw.

HLAZY 119:10

Ei palôh zydua ta cha tlua na ta, Na biepiepazy tleisai awpa na pasaih khah y!

HLAZY 119:145

Hy Abeipa, ei palôh tlokhuh ta cha aw na ta, Na chyh-ei mah y! Na bieraopazy ei zyh aw.

HLAZY 119:170

Ei hiana he na kô vaw tlô sala, Na bie hawhta na pachha mah y.

HLAZY 119:41

Hy Abeipa, na kyhpachâna tleih beih leipa cha kei lâ a vy sala, Na pachhana cha na bietai hawhta kei lâ a vy mawh sy!

HLAZY 119:65

Hy Abeipa, na bie hawhta, Châ chakaotuhpa chô liata a phapa ta na tao haw.

HLAZY 119:76

Châ chakaotuhpa hnohta na bietai hawhta, Na kyhpachâna tleih beih leipa ta thlah na palôh mawh sy.

HLAZY 138:2

Nâma Achhyna o pathaihpa lâ a heipa ta a bôh na ta, Na zawngiahna nata ngâchhihna vâta, Na moh reithai aw na ta; Hmo to zydua hlâta na moh nata na bie na cheihchalo viapa vâta, Na moh ei reithai aw.

HLAZY 27:8

“Ei hmia na tlua muh vy,” tah chi ta, “Hy Abeipa, na hmia tlai cha ei tlua,” tahpa ta, Ei palôh ta a cha chho.

HLAZY 4:6

Chyhsa hluhpi ta, “Ahy ma hmo phapa miah a pahmô aw? Hy Abeipa, na hmia khaihpa eima chô liata pakhaih mah y!” tah ei ta.

HLAZY 56:10

Khazohpa cha a bie vâta reithai na ta, Abeipa cha a bie vâta reithai na ta,

HLAZY 56:4

Khazohpa cha a bie vâta reithai na ta, Khazohpa cha ngâ na ta, Chi aw va na. Chyhsapa ta kheihta eina tah thei aw?

HÔSIA 7:14

Ama palôh hmeiseihpa ta na aw leipa ei ta, Ama rakhô liata tlâ ama awh; Sâh nata kresawhti vâta a pakhy ei ta, Kei deikua eina tleisai ha ei.

MATHAI 24:35

Lei nata vâ a lei aw, ei biezy deikua lei aw vei.

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.