HLAZY 119:50 - Mara Bible RV (BSI)

⁵⁰ Na bietai ta eina pahro heih tyhpa kyh cha, Pasa ei tao daihti liata ei thlalôhna a châ tyh.

HLAZY 119:50 ပူးပေါင်းရင်းမြစ်များ

HLAZY 119:25

Ei hro he dohlei liata khâchâ a bai ha ta, Na bie hawhta na pahro heih mah y!

HLAZY 119:38

Chipa ta na y thei nawpa ta, Châ chakaotuhpa hnohta na bietai patlô mah y.

HLAZY 119:41

Hy Abeipa, na kyhpachâna tleih beih leipa cha kei lâ a vy sala, Na pachhana cha na bietai hawhta kei lâ a vy mawh sy!

HLAZY 119:92

Na ryhpa he ei lyna châ vei mawh sala, Ei pasataona liata ei leidia ha aw.

HLAZY 138:7

Nôpona hry liata ei chareipa chhao ta, Ei hrona pahlôh chi ta; Ei chariahpazy hiehâhna lâ na ku pazawhpa ta, Na ku chachâh lâta eina pachha tyh chi.

HLAZY 27:13

Ahrohpa râh liana heta, Abeipa phana ei hmô aw tahpa ei ngiapâ.

HLAZY 28:7

Abeipa cha ei thatlôna nata ei vyhphao châ ta, Ei palôh ta ano cha ngâ ta, eina bao tyh; Ei palôh a ly kaw ta, Reithaina hla ano lâ ei hlâ tyh.

HLAZY 42:11

Hy ei thlahpa, khazia a khu chi ta, Khazia ei chhôh liata a tymâpa ta na y? Khazohpa hnabeiseih mah y. Ano cha reithai heih aw na ta, Ei pachhana nata ei Khazohpa cha ei reithai aw.

HLAZY 42:8

Nohchhô ta Abeipa ta, A kyhpachâna tleih beih leipa cha biepie ta, Zâ ta a hla ta na ypâ ta, Cha cha ei hrona Khazohpa lâta ei thlahchhâna a châ.

HLAZY 94:19

Palôh tymâna hluhpi ei hnei nota, Na thlapalôhna ta ei hro tha a patlô heih tyh.

ZEREMIAH 15:16

Na biezy hmôpa châ ta, Ei nie ha ei. Hy Abeipa, Pheisaihzy Khazohpa, Na moh a phaohpa ei châpa vâta, Na biezy cha ei châta alyna châ ta, Ei palôh thaphana a châ.

EZEKIA 37:10

Bie eina piepa hawhta hrohsona bie cha phuah na ta, âmo liata hu a vaw ngia ta, hroh ha ei ta. Ama phei ta a duah ei ta, pheisaih hri hluh ngaitapa vaw châ ha ei ta.

ZAWHÂNA 6:63

Hrona pietuhpa cha Thlahpa a châ, sapa cha phahnaina hnei vei. Nama hnohta bie ei reipazy he Thlahpa châ ta, hrona chhao a châ.

RAWMA 15:4

Hlâno ta bie ropa zydua kha eimâ chu hra awpa ta ropa a châ. Chatanachata Biehrai bie hawhta tiamana nata thatlôna hneipa ta hnabeiseihna eima hnei thei aw.

ZÂMIE 1:18

A hmotaopazy hry liata hmia a sahpa eima châ thei nawpa ta, ano khozie hawhta biehmeiseihpa liata a sapa eima châ.

1 PITY 1:3

Eima Beipa Zisu Krista Khazohpa nata Paw cha reithaipa ta y mawh sy! Ano cha zawngiahna rônah ngaitapa a hneipa a châpa hawhta, athihpa hry tawhta Zisu Krista thyuheihna zawhzi ta hnabeiseihna hrohpa hnei awpa ta miah papihpathisa ta,

1 PITY 2:2

Hawsaih pih thiehpazy hawhta, thlahpa sâhpiti patapa vâ u la, chatanachata nama pachhana liata nama laiseih lymâ aw.