HLAZY 119:49 - Mara Bible RV (BSI)

⁴⁹ Na bie liata hnabeiseihna na pahneisa ha tlôh chi ta, Châ chakaotuhpa hnohta na bie kha a thei mah y.

HLAZY 119:49 ပူးပေါင်းရင်းမြစ်များ

ÂTHAONA 32:9

Zakaw cha thlahchhâ ta, “Hy ei paw Abarahâ Khazohpa, ei paw Aisika Khazohpa, Hy Abeipa, ‘Na râh lâ a lie la, na chiheihzy yna lâ a lie mah y, a phapa ta ei cha tao aw,’ nâ tahtuhpa y,

ÂTHAONA 8:1

Châhrasala Khazohpa ta Nôah nata balyh liata a hnohta a ypa hmohrohneipa to nata sahroh zydua cha a thei thlâh ha ta. Chatanachata Khazohpa ta alei chô liata thlih pathlisa ta, tizy cha a sy pathao ei ta.

2 SAMUELA 5:2

Sawla eima chô liata â beina daihti liana chhao khata, Izarei puakhei ta a ngiakhei tyhpa cha nâ na châ. Abeipa ta na hnohta, ‘Ei phopi Izarei vaituhpa châ aw chi ta, Izarei chô liata bei ta na y aw,’ tahpa ta bie â taihpa na châ,” tah ei ta.

2 SAMUELA 7:25

Chavâta tahmâ he, Hy Zehôvâh Khazohpa y, châ chakaotuhpa nata a pathlazy kyh na reipa kha, chhâzaw châta pa-i la, na reipa hawh tlai ta tao mah y.

ZAWBÂ 7:7

“Ei hrona he ziza hawh dei a châ tahpa a thei mah y, Ei mo heta alyna hmô heih khao aw vei.

HLAZY 105:2

Ano lâ hla sapa ta, Ano cha reithai u la; A hmotao noâhpa zydua phuah teh u!

HLAZY 105:42

A chakaotuhpa Abarahâ hnohta a bietai pathaihpa kha, Khâ a thei thlâh ha ta.

HLAZY 106:4

Hy Abeipa, na phopi na khokhei tita nâ thei la, Na pachha ti ei ta na bao mah y.

HLAZY 106:45

Ama hnohta a biehrai a thei heih tyh ta, A kyhpachâna tleih beih leipa rônah ngaitapa vâta, A palôh a panano heih tyh.

HLAZY 119:147

Khihdei hlâta thyupa ta, Baona hiapa ta awh na ta; Na biezy liata ei hnabei a seih tyh.

HLAZY 119:43

Ei hnabeiseihna cha na ryhpa liata y ta, Chavâta biedopa ei pakah tawhta la pathlah khah y.

HLAZY 119:74

Na bie liata hnabeiseihna ei hneipa vâta, Nâma châ chituhpazy ta na hmô aw ei ta amâ ly aw.

HLAZY 119:81

Ei thlahpa ta na pachhana vâ ta, Na bie liata ei hnabeiseihna a y.

HLAZY 71:14

Kei deikua cha hnabeiseihpa ta khâ y aw na ta, Ei cha reithai via rili aw.

ISAI 62:6

Hy Zerusale y, Na thokhy chô liata riahvaituhpazy soh ha na ta, Chhô nah zâ ta ama vaih aw; A chalih beih aw veih ei. Nâmo, Abeipa a padotuhpazy saih u, Y molo khuh vy.

RAWMA 15:13

Thlahpa Pathaihpa hmotaotheina zawhzi ta hnabeiseihna hluhpi nama hnei thei nawpa ta, hnabeiseihna Khazohpa ta, ano nama ngâpa hawhta, alyna nata thlalôhna ta cha pabie mawh ei sy.

1 PITY 1:13

Chavâta nama palôh chai a saihpa ta a hrohrua u la, Zisu Krista â vaw luah tita ngiachhiena a cha vaw phaopa awpa ei cha khâchâ hnabeiseihpa ta y teh u.

1 PITY 1:21

Khazohpa ta Krista cha athihpa hry tawhta pathyupa ta rônahna patosa ta, Krista zawhzi ta Khazohpa ngiapâtuhpazy nama vaw châ haw. Chatanachata namâ ngiapâna nata hnabeiseihna cha Khazohpa liata a y thlâh ha aw.