HLAZY 119:34 - Mara Bible RV (BSI)

³⁴ Novâhna na pie mah y; Chatanachata na ryhpa zyh aw na ta, Ei palôh tlokhuh ta ei zyh aw.

HLAZY 119:34 ပူးပေါင်းရင်းမြစ်များ

1 THÂTIHZYRONA 22:12

Abeipa ta Izarei chô liata biehneina a cha pie tita, Abeipa na Khazohpa ryhpa na zyh thei nawpa ta, Abeipa ta sona nata novâhna cha pie mawh sy.

ZAWBÂ 28:28

Chatawhcha chyhsapa hnohta, ‘Pachâ teh, Khazohpa china he sona cha châ ta, Moleina a heihsaipa he pahnona cha a châ,’ a tah,” tah ta.

HLAZY 111:10

Abeipa china cha sona athaona châ ta, Abeipa a chituhpa zydua ta novâhna ama hnei. Abeipa cha tlyzaw ta reithaipa ta y mawh sy!

HLAZY 119:10

Ei palôh zydua ta cha tlua na ta, Na biepiepazy tleisai awpa na pasaih khah y!

HLAZY 119:100

Na pachuna biezy ei zyhpa vâta, Machâpazy hlâta ei no a vâh via.

HLAZY 119:104

Na pachunazy tawhta novâhna hnei na ta, Chavâta hrozie doleipa to ei hao.

HLAZY 119:125

Châ chakaotuhpa châ na ta, Na bieraopazy ei pahno thei nawpa ta, Novâhna na pie mah y!

HLAZY 119:130

Na biezy chhopasiana ta khaihna pie ta, Nomaohpazy hnohta novâhna a pie tyh.

HLAZY 119:144

Na bieraopazy cha chhâzaw ta a do ta, Ei hro thei nawpa ta, Novâhna na pie mah y.

HLAZY 119:169

Hy Abeipa, ei awna he na kô vaw tlô sala, Na bie hawhta novâhna na pie mah y!

HLAZY 119:2

A bieraopazy a zyhtuhpazy cha nohlao ei ta, Pathipalôh tlokhuh ta ano a tluapazy cha ama nohlao na.

HLAZY 119:58

Ei palôh tlokhuh ta na khokheina cha hiah na ta, Na bietai hawhta na ngiachhie mah y.

HLAZY 119:66

Na biepiepazy a ngiapâpa châ na ta, Pahnona nata pachiana phapa na pa­chu mah y.

HLAZY 119:69

Apalaipazy ta haipa ta na pachhie ei ta, Châhrasala ei palôh tlokhuh ta na pachunazy ei zyh lymâ.

HLAZY 119:73

Na ku ta na tao chi ta, Eina padua chi; Na biepiepazy ei chu thei nawpa ta, Novâhna na pie mah y.

HLAZY 39:2

Reih pathlie leipa ta a chalihpa ta, Bie phapa chhao reih leipa ta y na ta; Châhrasala ei pachârôhna a pôh rili.

MATHAI 5:19

Chavâta ahy rai, he biepiepazy hry liata a chyh chaipa miakha chhao pahua ta, cha hawhta tao hra awpa ta mohropazy a pachupa cha, vârâh khinarâh liata a chyh chaipa ta reipa châ aw ta, ahy rai Ryhpa chyh chaipa chhao zyh ta, a pachupazy deikua cha, vârâh khinarâh liata rônahpa ta bipa ama châ aw.

MATHAI 7:24

“Ei biezy he thei ta a taopa maih cha, chyhsa sopa, lôpanô chô liata o a sapa hawhta a châ.

ZAWHÂNA 7:17

Ahy rai Khazohpa khopa a tao khohpa a châ khiahta cha, ei bie pachupa he Khazohpa tawhtapa ma, keima tao chhyhpa a reihpa ma ei châ tahpa a pahno aw.

RYHPACHANEINA 4:6

Chavâta zyh u la, tao muh vy. Cha cha phopizy mohmô ta nama sona nata novâhna a châ aw. Chatanachata bieraopa zydua cha ama thei tita, “He phopi rônahpa he phopi sopa nata novâhpa tlai na ama châ,” ama tah aw.

ZÂMIE 1:25

Khotalaina ryhpa pakipa cha moh ta, cha hawhta hroh ta, ryhpa cha thei ta, thlai a mypa châ leipa ta, zyh ta, ryhpa hawhta a taopa chyhsa cha, a hmotaopa liata thlaochhipa ta a y aw.

ZÂMIE 1:5

Nama hry liata ahy rai sona â phahla khiahta cha, Khazohpa lâ hiah mawh sy. Khazohpa cha chyhsa zydua hnohta riaphapa nata maochhie leipa ta sona a pietuhpa châ ta, sona a phahlapa hnohta sona piepa a châ aw.

ZÂMIE 4:11

Unawh saih u, nâmo nata nâmo a reipachhie khuh vy. Ahy rai unawhpa a reipachhiepa tlyma, unawhpa a seipa tlyma cha, ryhpa a reipachhiepa nata a seipa a châ. Ryhpa na sei khiahta cha, ryhpa a zyhtuhpa châ leipa chi ta, ryhpa a pachiatuhpa tlao na châ.