HLAZY 119:31 - Mara Bible RV (BSI)

³¹ Hy Abeipa, na bieraopazy khâchâ a patu na ta, Maophyuhpa ta na paysa khah y!

HLAZY 119:31 ပူးပေါင်းရင်းမြစ်များ

HLAZY 119:115

Nâmo, moleina hmo a taopazy saih u, Ei Khazohpa biepiepazy ei zyh thei nawpa ta, Na siesai syulyu ha teh u.

HLAZY 119:48

Na biepiepa ei pasôpazy lâta ei ku pazawh aw na ta, Na bieraopazy ei pachâ tyh aw.

HLAZY 119:6

Chatanachata na biepiepa zydua zyh aw na ta, Maophyuhpa ta y aw va na.

HLAZY 119:80

Maophyuhpa ta ei y lei nawpa ta, Ei palôh he na bieraopazy liata phapakipa ta y mawh sy!

HLAZY 25:2

Hy ei Khazohpa, nâ ei cha ngâ. Maophyuhpa ta na paysa leipa la, Ei chariahpazy ta eina pahnie awpa ei pasaih khah y.

HLAZY 25:20

Ei hrona he vaih la, Na pachha mah y; Maophyuhpa ta na paysa khah y, Nâma châ chhaipa ei châ hih.

BIESOZY 23:23

Biehmeiseihpa chalei la zuah khao leipa la, Sona nata pachuna nata pahnona zy chalei mah y.

ISAI 45:17

Izarei deikua cha Abeipa ta pachha ta, Tlyzaw pachhana ta a pachha haw. Nozapa ta y khao leipa aw ei chi ta, Tlyzaw taihta nohzaopa ta y khao aw veih ei chi.

ISAI 49:23

Beizy cha châ mohôhtuhpa na pawzy châ aw ei ta, Beinôzy chhao sâhpi ta châ chhytuhpa na nôzy ama châ aw. Ama hmia alei lâ a khupa ta, Na hmiakô liata a bôh aw ei ta; Na phei dohlei ama cha paliepa aw. Chatanachata kei he Abeipa ei châ tahpa pahno aw chi ta, Keima nâ hâtuhpazy cha ama hnabeidy aw vei.”

ZEREMIAH 17:18

Na taolatuhpazy cha maophyuhpa ta y ei sala, Kei deikua cha maophyuhpa ta na paysa khah y. Âmo cha thlazohpa ta y ei sala, Kei deikua cha thlazohpa ta na paysa khah y; Ama chô liata chhiena noh patlôsa la, Raona a pathopa ta âmo cha parao mah y!

ZAWHÂNA 8:31

Chatawhcha Zisu ta ngiapâtuhpa Zuzy hnohta, “Ei bie liata nama y thlâh ha khiahta cha, ei pachupa dopazy nama châ aw.

HMOTAOPAZY 11:23

Bânabâ cha Antiôkâ tlô ta, Khazohpa ngiachhiena raihria a hmô nahta, a ly ngaita ta, achhuahna a ipa hneipa ta, Abeipa châta ngâchhih awpa ta âmo cha pasyu ta.

RAWMA 5:5

Thlahpa Pathaihpa miah a piepa khata Khazohpa kyhpachâna eima pathipalôh liata a hry hapa vâta, cha hnabeiseihna chata maophyuhpa ta miah paysa vei.

RYHPACHANEINA 10:20

Abeipa nama Khazohpa cha chi aw chi ta, ano chakao aw chi ta, ano cha khâchâ patu aw chi ta, ano moh ta bie namâ taih awpa a châ.

RYHPACHANEINA 11:22

Biepiepa ei cha piepa zydua ei he pakhâta ta zyh u la, Abeipa nama Khazohpa cha kyhpachâ u la, a lâpizy a chhihpa ta, ano khâchâ namâ patu khiahta cha,

RYHPACHANEINA 4:4

Abeipa nama Khazohpa khâchâ a patu hapazy deikua cha, tanoh taihta nama hroh hih.

1 ZAWHÂNA 2:28

Chavâta sawzy saih u, ano liata y thlâh ha muh vy. Chatanachata â vaw luah tita hnangâhpa ta y aw pi ta, â vy tita a hmiakô liata noza leipa ta eima y thei aw.