HLAZY 119:151 - Mara Bible RV (BSI)

¹⁵¹ Nâ deikua cha Hy Abeipa, Lâhnia liata y chi ta, Na biepiepa zydua chhao adopa a châ.

HLAZY 119:151 ပူးပေါင်းရင်းမြစ်များ

HLAZY 119:138

Bieraopa na taopazy sia ta, Tlokhuh ngâ tlâhpazy ama châ.

HLAZY 119:142

Na siana cha chhâzaw siana châ ta, Na ryhpa chhao biedopa a châ.

HLAZY 119:144

Na bieraopazy cha chhâzaw ta a do ta, Ei hro thei nawpa ta, Novâhna na pie mah y.

HLAZY 139:2

Ei tyupa nata ei duapa pahno chi ta, Ei pachânazy chhao lâhlapi tawhta na pahno.

HLAZY 145:18

Abeipa cha a padotuhpa zydua a hnia ta, Hmeiseihpa ta a padotuhpa zydua a hniapa a châ.

HLAZY 34:18

Abeipa cha palôh keichheihpazy a hnia ta, Thlahpa a ngiapachhipazy a pachha tyh.

HLAZY 46:1

Khazohpa cha eimâ bohna nata thatlôna châ ta, Nôpona daihti liata baotuhpa a hnia thlâh hapa a châ.

HLAZY 75:1

Hy Khazohpa, alyna bie eima cha hlâ; Na moh â hniapa vâta alyna bie cha hlâ pi ta, Na hmonoâh taopa kyhzy eima phuah.

MATHAI 1:23

“Pachâ teh u, laihsa kôpa ta saw phaoh aw ta, Sawchapawpa sa aw ta, A moh Imanuel ama bi aw,” tahpa ta a reipa kha â ki thei nawpa ta a vaw tlôpa a châ. Imanuel cha “Khazohpa eima hnohta a y,” tahna a châ.

RYHPACHANEINA 4:7

Eima padona maih miah a hnia tyhpa Abeipa eima Khazohpa hawhta a hnia tyhpa khazoh a hnei hrapa phopi rônahpa khei hawhpa ma a y?