HLAZY 119:126 - Mara Bible RV (BSI)

¹²⁶ Na ryhpa parao ha ei ta, Hy Abeipa, rai na hria daihti a tlô haw.

HLAZY 119:126 ပူးပေါင်းရင်းမြစ်များ

ÂTHAONA 22:14

Chavâta Abarahâ ta cha su cha Zehôvâh Zire tahpa ta a moh bi ta, tanoh taihta, “Abeipa tlâh liata piepa a châ aw,” tah tyhpa a châ.

1 ABEIZY 19:10

Elaizâh ta, “Abeipa, Pheisaihzy Khazohpa châta phahnai a ngiah ngaita tyh na ta. Izarei sawzy hra ta na biehrai tleisai ei ta, na maisâhzy pacho ei ta, na hrohsopazy zaozi ta chhawhsao ei ta, keima, keima deita he a laibâhpa y na ta, keima chhao he ei hrona na la amâ chhuah,” tah ta.

HLAZY 102:13

Thyu aw chi ta, Zaio cha zawh nâ ngiah aw; He he Zaio khokheina daihti châ ta, Daihti raopa a vaw tlô haw.

HLAZY 102:14

Châ chakaotuhpazy ta Zaio lôzy pasô ei ta, A dohlei chhao ama ngiachhie ngaita.

HLAZY 9:19

Hy Abeipa, thyu la, Chyhsapa ta tiah khah ei sy; Phopizy na hmiakô liata pachiapa châ mawh ei sy!

ISAI 42:14

Bohpi a vaw chalih ha na ta, A thlih thlâh hapa ta maoh ei oh lylia. Tahmâ deikua cha, Chanô sawzeihpa hawhta awh aw na ta, Huchahâpa nata huhiahpa ta ei y bâ aw.

ZEREMIAH 8:8

“Kheihta ma, ‘Asopa châ pi ta, Abeipa ryhpa eima hnohta a y,’ Nama tah thei tly? Pachâ teh u, chârohtuhpazy châsôh haih thaipa ta, Ryhpa cha haipa ta a panano ha hih.

HABAKU 1:4

Chavâta ryhpa ta yzie hnei khao leipa ta, Pachiana dopa y khao hra vei. Moleipazy ta mosiapazy dôh ei ta, Pachiana doleipa a pua tyh.

MALAKHAI 2:8

“Châhrasala lâpi tleisai ei chi ta, nama pachuna ta chyhsa hluhpi pahluasapa ta, Livai biehrai cha nama parao haw.

MATHAI 15:6

a tahpa maih cha, hmopiepa ta a paw tlyma, a nô tlyma, a palyupalih awpa byuh khao vei,’ nama tah tyh. Nama taozietyhpa a tlychakapa ta, Khazohpa bie cha hraoleipa ta nama tao haw.

RAWMA 3:31

Cha khiahta la, ngiapâna vâta ryhpa cha hraoleipa ta eima pachâsa ma? Châ bao va! Ryhpa cha tlao eima pa-ipa a châ.

RAWMA 4:14

Ryhpa a zyhtuhpazy ta ryutotuhpazy ama châ awpa khiahta cha, ngiapâna cha hraoleipa châ aw ta, bietai chhao aruapa a châ aw.

RYHPACHANEINA 32:36

Hmotaotheina ama hnei khao leipa Abeipa ta hmô ta, Sei chhao khotalaipa chhao ama y khao lei tita, Abeipa ta a phopi thaipachâsa aw ta, A chakaotuhpazy chô liata zawh â ngiah aw.