HLAZY 119:124 - Mara Bible RV (BSI)

¹²⁴ Na kyhpachâna tleih beih leipa hawhta, Châ cha­kaotuhpa chô liata tao la, Na bieraopazy na pachu mah y.

HLAZY 119:124 ပူးပေါင်းရင်းမြစ်များ

NEHEMIAH 9:20

Âmo pachu awpa ta na Thlahpa phapa pie chi ta, na mânâ ama pakah lâ a ngia awpa pakhâ leipa chi ta, ama dâhphi nota do awpa ti na pie tyh ei.

HLAZY 103:10

Eima moleinazy hawhta eima chô liata tao leipa ta, Eima paraonazy hawhta viari miah thô vei.

HLAZY 119:12

Hy reithai tlâh Abeipa, Na bieraopazy na pachu mah y.

HLAZY 119:132

Na moh a pasôpazy na ngiachhie tyhpa hawhta, Kei lâ a vaw heih la, Na ngiachhie mah y.

HLAZY 119:26

Ei lâpizy cha chho na ta, Eina chyhei ha chi; Na bieraopazy na pachu mah y!

HLAZY 119:41

Hy Abeipa, na kyhpachâna tleih beih leipa cha kei lâ a vy sala, Na pachhana cha na bietai hawhta kei lâ a vy mawh sy!

HLAZY 119:88

Na pakah bieraopazy ei zyh lymâ thei nawpa ta, Na kyhpachâna ta na pabohsa mah y.

HLAZY 130:7

Hy Izarei, Abeipa liata na hnabeiseihna y mawh sy! Abeipa cha a kyhpachâna a tleih beih leipa châ ta, Chatlaina hluhpi a hneipa a châ.

HLAZY 31:20

Chyhsazy teina tawhta amâ boh thei nawpa ta, Âmo cha na yna liata nyu chi ta; Bie ei chahrapazy paleih tawhta amâ boh thei nawpa ta, Na byureih liata na nyu ei.

HLAZY 51:1

Hy Khazohpa, na kyhpachâna tleih beih leipa vâta, Na ngiachhie la; Na zawngiahna chhâ tiah leipa vâta, Ei paraonazy a ngiahthai mah y.

HLAZY 69:13

Kei deikua la, Hy Abeipa y, Nâ lâta thlah ei chhâ. Hy Khazohpa, na kyhpachâna tleih beih leipa vâta, Daihti rypaohpa liata nâ chhy la, Na pachhana ngâchhihna ta nâ chhy mah y.

HLAZY 69:16

Hy Abeipa, nâma kyhpachâna cha pha tlôh ta, Nâ chhy mah y; Na zawngiahna a chhâ thai leipa vâta, Kei lâ a vaw heih mah y.

HLAZY 79:8

Miah pathlatuhpazy moleina vâta miah hrie leipa la, Na zawngiahna ta miah a tyh patoh mawh sy, Thata panawhpa ta eima y ha hih.

DÂNIAH 9:18

Hy ei Khazohpa, na nah pachôh la, nathlie tua; na mo padeih la, keimo nata na moh a phaohpa na khihpi roryhra hapa he moh tua. Eima hiapazy he eima siana vâta na hmiakô liata a vaw tlôkheipa châ leipa pi ta, na zawngiahna rônah ngaitapa vâta tlao a châ.

LUKA 18:13

Chhiekheituhpa deikua cha, lâhlapi ta a duah ta, avâ lâ chhao ua ngâh leipa ta, a chachôhna a chô ta, ‘Khazohpa y, kei moleipa he na ngiachhie mah y,’ tah ta.