HLAZY 119:118 - Mara Bible RV (BSI)

¹¹⁸ Na bieraopazy a tleisaipa zydua cha, Chyhsa doleipa nata piehpiepa ama châpa vâta, Na dytha ha ei.

HLAZY 119:118 ပူးပေါင်းရင်းမြစ်များ

HLAZY 119:10

Ei palôh zydua ta cha tlua na ta, Na biepiepazy tleisai awpa na pasaih khah y!

HLAZY 119:21

Apalaipazy ra chi ta, Na biepiepazy a paviasaipa cha, Chhiesapa ta ama y tyh.

HLAZY 119:29

Kei tawhta hrozie do leipa pasie la, Zawh nâ ngiah la, Na ryhpa bie na pachu mah y!

HLAZY 78:57

Kua ei ta âmo pathlatuhpazy hawhta, Piehpie ngaitapa ta hmotao ei ta; Libaw doleipa hawhta, A pahnieh tlâh châ veih ei.

HLAZY 95:10

Kha chhâ kha kô sypalih chhôh zydua ai kaw ei na ta, “Ama palôh sie chhei hapa phopi châ ei ta, Ei lâpizy a pahno leipa ama châ,” tah na ta.

BIESOZY 12:20

Hmo chhiepa tao a chhuahpazy palôh liata dôveina y ta, Adyhna a taotuhpazy deikua cha alyna ama hnei.

ISAI 25:10

He tlâhpi liata Abeipa ku a pahâ aw ta, Viahchao ie liata sawphao tlypâpa hawhta, Môabâ cha ano su liata tlypâpa a châ aw.

ISAI 44:20

Cha hawhpa chyhsa cha, Buchâh a niepa châ ta; Palôh sie chheipa chyhsa ta A pasiechheisa hapa a châ. Anosasyh ta a pachha thei leipa ta, “Ei ku chachâh lâta haipa bie a y ma?” A tah thei awpa duahmo liata a duah hra vei.

ISAI 63:3

“Keima dei ta kre saohna khaoh liata kre thei tly na ta, Phopizy hry tawhta pakha hmah ei hnohta y veih ei. Hiehâhpa ta tly ei na ta, Pathi iapa ta ei tlychheih ha ei. Chavâta ama hrona thisaih ei chysia liata a pie ta, Ei poh zydua a kia khai haw.

MALAKHAI 4:3

Cha hmozy ei tao noh liata cha, moleipazy tlypâ aw ei chi ta, nama pheipazah ry liata buchâh hawhta ama châ aw,” Pheisaihzy Abeipa ta a tah.

LUKA 21:24

Zaozi ta thi aw ei ta, phopi zydua sei ta a chhipa ama châ aw. Zenitaizy noh â ki hlâlei cha, Zerusale cha Zenitaizy tlypâpa ta a y aw.

EPHESI 4:22

Eikhano ta nama hrozie ta a hrohpa, dôveina piehpie aohraohna ta a parao tyhpa, nama chyhsa parohpa kha pahluh u la,

EPHESI 5:6

Ahy hmahta hraoleipa bie ta cha dôvei khah ei sy. Cha hmozy vâna chata Khazohpa pathiiana cha ngiapâleipa sawzy chô liata a tlô tyh.

2 TIMAWTHY 3:13

Moleipa nata dôtuhpazy deikua cha, chyhsa dôtuhpa nata dôpa ta a ypazy châ ei ta, chhiena tawhta chhie viana lâ ama pangai lymâ aw.

1 ZAWHÂNA 2:21

Biehmeiseihpa nama pahno leipa vâta, nâmo lâ châ a vaw rohpa châ leipa na ta, biehmeiseihpa pahno ei chi ta, biehmeiseihpa tawhta haipa a pua beih leipa vâta ei vaw ropa a châ.

BIEPHUAH 14:20

Khihpi khôtho lâta kre saohna khaoh liata kre cha tlypa ta saoh ei ta, kre saohna khaoh tawhna chata thisaih vaw pua ta, thisaih cha arâ chhâri taih a thu ta, lyu 1,600 a seih.

BIEPHUAH 18:23

Meiôh khaihna chhao, Na chhôh liata khaih khao aw vei. Myuhneituhpa ao nata myuh aozy chhao, Na chhôh liata theipa châ khao aw vei. Na sôhpalietuhpazy cha, Lei chyhsa rônahpazy châ ei ta, Na dyuthaina ta phopi zydua dôveipa ta ama y.