HLAZY 119:11 - Mara Bible RV (BSI)

¹¹ Na bie ei palôh liata a vao na ta, Chavâta na chô liata molei khao aw va na.

HLAZY 119:11 ပူးပေါင်းရင်းမြစ်များ

ZAWBÂ 22:22

A pakah tawhta pachuna a pyh la, A biezy na palôh liata khô mah y.

HLAZY 1:2

 lyna cha Abeipa ryhpa liata châ ta, A ryhpa bie cha chhô nah zâ ta a pachâ tyh.

HLAZY 119:97

Na ryhpa cha ei pasô kaw dia! Noh y ta ei pachâ tyh.

HLAZY 19:13

Molei raruahpazy tawhta châ chakaotuhpa he pabohsa la, Ei chô liata bie ama hnei awpa pasaih khah y! Chatanachata phapakipa châ aw na ta, Moleina rarôh ypa tawhta thaichâpa ta ei y aw.

HLAZY 37:31

A Khazohpa ryhpa cha a palôh liata y ta, A siena liata a tai aw vei.

HLAZY 40:8

Hy ei Khazohpa, na khopa taona liata a ly na ta, Na ryhpa cha ei palôh liata a y,” tah na ta.

BIESOZY 2:1

Ei sawchapawpa y, ei biezy a pyhpa ta, Ei biepiepazy paso pha la;

ISAI 51:7

“Nâmo, siana a pahnopazy saih u, Na nathlie u la; Ei ryhpa bie palôh liata a vaopazy saih u, Na nathlie teh u. Chyhsa ta ama reipachhiena chi leipa u la, Ama riethlana vâta nama nôpo khah sy.

ZEREMIAH 15:16

Na biezy hmôpa châ ta, Ei nie ha ei. Hy Abeipa, Pheisaihzy Khazohpa, Na moh a phaohpa ei châpa vâta, Na biezy cha ei châta alyna châ ta, Ei palôh thaphana a châ.

LUKA 2:19

Mâri deikua cha, cha hmo zydua cha a palôh liata pachâ ta, a vao thlâh ha ta.

LUKA 2:51

A nôpawzy hnohta zu ta, Nâzari khih cha tlô ta, a nôpawzy bie zyhpa ta y ta. A nô ta hmo zydua cha a palôh ta a vao thlâh ha ta.

KAOLAOSÂ 3:16

Krista bie cha nâmo liata biepakhôpa ta y mawh sy. Sona to ta a pachupa ta a chhorei raihrie u la, palôh alyna chôta, reithaina hlazy nata thlahpa hlazy Khazohpa lâ sa teh u.