HLAZY 118:26 - Mara Bible RV (BSI)

²⁶ Abeipa moh ta a vypa cha reithaipa ta y mawh sy! Abeipa o tawhta byhnâ eima cha awpa ei.

HLAZY 118:26 ပူးပေါင်းရင်းမြစ်များ

HLAZY 129:8

Cha su a chapiapazy ta, “Abeipa byhnâ nama chô liata y mawh sy! Abeipa moh ta byhnâ eima cha awpa!” Tah beih hra veih ei.

HLAZY 134:3

Abeipa ta Zaio tawhta byhnâ cha awpa ei sala, Avâ nata alei taotuhpa ta byhnâ cha pie mawh ei sy!

ZEKARIA 4:7

Hy tlâhpi laipa, khâ ma na châ hlei tly? Zerubâbe hmia liata la pahnaipa ta paby khaipa na châ aw. Alô pha chaipa vaw tlôkhei aw ta, ‘Â ngia tlai na, â ngia tlai na’ tahpa ta awh aw ei ta ama dy aw,” tah ta.

MATHAI 21:9

A hmia lâta a siepa nata a hnôh lâta a pazipa zawpizy ta, “Dâvi Sawchapawpa hnohta Haozanâ! Abeipa moh ta a vypa cha reithaipa ta y mawh sy! Chônôchaipa liata Haozanâ y mawh sy!” tahpa ta awh ei ta.

MATHAI 23:39

Ei cha chho ei, ‘Abeipa moh ta a vypa cha reithaipa ta y mawh sy,’ nama tah hlâlei cha, tahmâ tawhta na hmô khao aw veih ei chi,” tah ta.

LUKA 13:35

Moh tua u, nama o cha aruapa ta siesaipa a châ ha hih. Ei cha chho ei, ‘Abeipa moh ta a vypa cha reithaipa ta y mawh sy!’ nama tah hlâlei cha na hmô khao aw veih ei chi,” tah ta.

LUKA 19:38

“Abeipa moh ta Bei a vypa cha reithaipa ta y mawh sy! Vârâh liata thlalôhna charei sala, chônôchaipa liana khita rônahna y mawh sy!” tah ei ta.

ZAWHÂNA 12:13

Thiahrâ kuahzy a cheipa ta ano dy awpa ta pua ei ta, “Haozanâ! Abeipa moh ta Izarei Bei a vypa cha reithaipa ta y mawh sy!” tahpa ta awh ei ta.