HLAZY 112:9 - Mara Bible RV (BSI)

⁹ A sôh nata piahzy a saipa ta rai ta, Dyhchhiepazy a pie tyh; A siana chhâzaw ta y aw ta, A ki palyupalih ta cheihchalopa a châ aw.

HLAZY 112:9 ပူးပေါင်းရင်းမြစ်များ

HLAZY 111:3

A hmotaopa cha ângiana nata rônahna ta bie ta, A siana cha tlyzaw taihta a daihpa a châ.

HLAZY 112:3

Sôh nata hneirôna zy a o liata y aw ta, A siana chhâzaw ta a y aw.

HLAZY 75:10

Moleipa ki zydua tai pachhô aw na ta, Mosiapazy ki deikua cha chaluahpa a châ aw.

HLAZY 92:10

Keima ki deikua cha, Chaoliah tôhpa ki hawhta cheihchalo chi ta, Sathaw thiehpa eina thu chi.

HLAZY 92:11

Ei chariahpazy paopa ei mo ta hmô ta, Nâ thyuhnaopa moleipazy paopa chhao, Ei nah ta a thei haw.

BIESOZY 14:24

Asopazy lakho cha hneirôna châ ta, Ahrupazy hruna deikua cha hruna dei a tlôkhei tyh.

BIESOZY 19:17

Dyhchhiepa chô liata a ria a phapa cha, A sôh Abeipa dyu a pacheisapa châ ta; Abeipa ta a dyuchei cha a thô aw.

BIESOZY 21:26

Thathipa cha noh y ta khohlei khona sai ta bie ta, Mosiapa deikua cha pahlôh leipa ta tlao a pie tyh.

BIECHHOTUHPA 11:6

My ta chi tu la, zâlâ chhao na ku pako thlâh ha khah y. Kheihawhpa ma a pyuh aw, he he ma, hao hao ma, a miano ta ama pha aw ma, tahpa zy pahno va chi.

BIECHHOTUHPA 3:6

Tlua daihti y ta, pahlei daihti a y; Paso daihti y ta, thy pathlah daihti a y;

ISAI 32:8

Zachhihpa deikua cha, Zachhihpa hmozy pachhuahpanoh ta, Zachhihpa hmozy liata â duah tyh.

ISAI 58:10

Nodipazy châta na hrona hmâh la, Pasataopazy a ngiahpa pie mah y. Cha hawhta na tao khiahta cha, Na khaihna cha zohna liata khaih aw ta, Na zoh kaluhna chhao, Nohchhô hawhta a châ aw.

ISAI 58:7

Nodipazy na viahchhâ piena noh ta hmâ awpa châ ta, O hnei leipazy na o lâ achhina noh ta hmâ awpa a châ. Thluahruapazy chysia piena noh ta hmâ awpa châ ta, Na heinawh a nyusai leina noh ta hmâ awpa a châ.

MATHAI 6:4

Chatanachata na hmopiepazy cha arulâta y aw ta, na Paw arulâta châ hmôtuhpa ta lymâ a cha pie aw.

MÂKA 14:7

Dyhchhiepazy cha nama hnohta khâ a ypa châ ei ta, nama khona maihta ama châta hmo pha nama tao thei. Kei deikua cha, nama hnohta khâ a y awpa châ va na.

LUKA 11:41

A chhôh liata hmo a ypa cha dyhchhiepazy pie awpa ta hmâh teh u, chatanachata nama châta ato a pathaih aw.

LUKA 12:33

Nama hneipazy zuah u la, phahlapazy pie teh u. Parutuhpa ta a paru thei leina nata chhoma-u ta a parao thei leina vârâh liata tâkâ byh a chy beih leipa nata ryu a chhâ beih leipazy a pachô teh u.

LUKA 16:9

Ei cha chho ei, khizaw sôh ta viasa a tao teh u. Chatanachata sôh a chhâ tita chhâzaw pahrâna suzy liata ama cha paysa aw.

LUKA 18:22

Cha cha Zisu ta a thei nahta, a hnohta, “Hmo miakha a phahlapa na hnei. Na hneipa zydua zuah la, dyhchhiepazy rai mah y. Chatanachata vârâh liata ryu na hnei aw. Cha khai tawhta a vy la, na zi mah y,” tah ta.

ZAWHÂNA 13:29

Thokha ta, Zudâh cha tâkâ sahria a vaotuhpa a châpa vâta, “Kyhchhina châta hmo eimâ ngiahpa kei chalei teh,” a tahpa a châ na ta pangiasa ei ta, a châ vei khiah, dyhchhiepazy hnohta hmo pie awpa a chhopa a châ na ta ama pangiasa.

HMOTAOPAZY 20:35

Abeipa Zisu ta, ‘Pietuhpa châpa cha daotuhpa châpa hlâta byhnâ a y via,’ tahpa bie a reipa kha a thei thlâh hapa ta, cha hawhta hriapasapa ta chiehleipazy eima bao awpa a châzie, kao to ta ei cha pamosa tyh ei,” tah ta.

HMOTAOPAZY 4:35

lyuhchâpazy phei thaby liata soh ei ta, ama byuhpa rakha chyu ta amâ rai tyh.

RAWMA 12:13

Mopathaihpa a phahlapazy deichhy u la, khichhai pasô muh vy.

2 KAWRINI 8:9

Eima Beipa Zisu Krista ngiachhiena cha, ano dyhchhiena vâta nâmo nama hneirôh thei nawpa ta, hneirôhpa a châpa chhao ta nâmo vâta dyhchhiepa ta â taona liata nama pahno.

RYHPACHANEINA 15:11

Khatino rai ta dyhchhiepazy nama râh liata ama y aw. Chavâta, “Nama râh liata dyhchhiepa nata phahlapa nama unawhzy lâta nama ku pazawh muh vy,” tahpa ta bie ei cha pie ei.

RYHPACHANEINA 15:14

Nama mietaku zaw, nama sawhri nata nama kresawhti saohpazy tawhta mochhih leipa ta nama pie awpa a châ. Abeipa nama Khazohpa ta byhnâ a cha piepa hawh ei ta, âmo chhao nama pie hra awpa a châ.

RYHPACHANEINA 24:13

Noh a tla nahta, sôhkâ châta a poh nama lapa cha nama pie ha awpa a châ. Chatanachata zâ ta a bu awpa hnei aw ta, byhnâ a cha awpa aw ei. Cha cha Abeipa nama Khazohpa hmiakô liata nama siana a châ aw.

1 TIMAWTHY 6:18

Hmopha ama tao awpa châ ta, hmopha taona liata hneirôhpa ta, riaphapa ta, ama hneina mohropazy amâ chhaih hra awpa a châ.

HEBRAI 13:16

Hmo pha tao my leipa u la, nama hneipazy a chhaih awpa my khuh vy. Cha hawhpa atheihnazy ta Khazohpa a palysa.

HEBRAI 6:10

Nama raihria tyhpa nata a moh vâta kyhpachâna palâsapa ta mopathaihpazy nama chakao tyhpa, tahmâ taihta nama taopa he, mopakhô awpa ta Khazohpa cha adoleipa châ vei.

BIEPHUAH 22:11

Moleipa cha moleina hmo tao lymâ sala, chyhsa puapa cha a puapa ta y lymâ sala, mosiapa cha a siapa ta y lymâ sala, mopathaihpa cha pathaihpa ta y lymâ mawh sy,” tahpa ta na chho ta.

1 SAMUELA 2:1

Chatawhcha Hânâ cha hetana heta thlahchhâ ta, “Abeipa liata ei palôh a ly ta, Abeipa liata ei ki chaluahpa ta a y. Na pachhana liata ei lypa vâta, Ei chariahpazy chô liata ei pakah a kawh thei bâ aw.

1 SAMUELA 2:30

Chavâta Abeipa Izarei Khazohpa ta hetana heta a tah: ‘Na chipathlazy nata châ pathlatuhpa chipathlazy cha ei hmiakô liata chhâzaw ta ama y aw,’ tahpa ta bie a vaw taih taraw na ta, tahmâ deikua cha Abeipa ta, ‘Cha hawhta châ khao aw vei, nâ palyupalihpa maih palyupalih aw ei na ta, nâ mohnaopa maih cha ama noh â li lymâ aw.