HLAZY 112:5 - Mara Bible RV (BSI)

⁵ Chyhsa riaphapa nata a sôh dyu a pacheisapa cha, Phana ta vaoheipa châ ta, Adona ta rai a hriapa chhao, Phana ta vaoheipa a châ.

HLAZY 112:5 ပူးပေါင်းရင်းမြစ်များ

NEHEMIAH 4:13

Chavâta zawpizy cha ama zaozizy, ama aseizy, ama libawzy a chabapa ta, thokhy hnôhky lâta â hnai chaina su ruapazy liata, a pho pho ta soh ei na ta.

HLAZY 37:21

Moleipa cha dyuchei ta, Châhrasala thô khao tyh vei; Mosiapa deikua cha a riapha ta, A saipa ta a pie tyh.

BIESOZY 12:2

Chyhsa phapa cha Abeipa kho­kheina hmô aw ta, Moleina palôh a phaohpa deikua cha thailei a pachâ aw.

BIESOZY 17:18

Pahnona a phahlapa cha bie a taih ta, A vaihzy mohmô ta sôhkâ a sokhâh tyh.

BIESOZY 18:9

A raihria liata chyhsa thathipa cha, Paraotuhpa unawhpa a châ.

BIESOZY 2:20

Chavâta lâpi phapa a chhih la, Siana lâpi liata sie mah y.

BIESOZY 24:27

Khôtho lâta na rai a chhuanoh la, Lyu liata na raizy a ngoh tawhta, Na o cha sa mah y.

LUKA 23:50

Chyhsa pakha, a moh Zawsi ama tahpa, ryureituh phapa nata siapa y ta.

LUKA 6:35

Nama khakhaipazy kyh pachâ u la, ama phana awpa tao u la, a vaw kua heih awpa hnabeiseih leipa ta dyu pacheisa teh u. Chatanachata nama lymâ hluh aw ta, Chônôchaipa sawzy nama châ aw. Ano cha alyna châh pahno leipazy nata moleipazy chhao a ngiachhie theipa a châ.

ZAWHÂNA 6:12

Ama rihbiena taih ama nie khai tawhta, a pachupazy hnohta, “Khâpa hmah lei lei awpa ta, nie laibâhpa azôhpazy a huah khai ha teh u,” tah ta.

HMOTAOPAZY 11:24

Bânabâ cha chyhsa phapa châ ta, Thlahpa Pathaihpa nata ngiapâna ta a biepa a châ. Chatanachata chyhsa hluhpi Abeipa lâ baichhapa châ ei ta.

RAWMA 12:11

Phahnai angiahna kyh liata daopathla leipa u la, palôh thathyu ngaitapa ta Abeipa chakao muh vy.

RAWMA 5:7

Chyhsa siapa châta thi awpa cha chyhsa ta khoh kaw hlei aw vei; chyhsa phapa châta deikua cha, a thi ngâhpa ama y ngyu ma.

EPHESI 5:15

Chatanachata asoleipazy hawhta y leipa u la, asopazy hawhta ypa ta, nama yzie liata a chado teh u.

PHILIPI 1:9

Nama kyhpachâna pôh via rili sala, novâhna nata pahnona zydua liata nama laiseih thei nawpa ta thlah ei chhâ tyh.

KAOLAOSÂ 4:5

Rypaohna patu thai lymâpa ta, khôtho chyhsazy liata so ngaitapa ta y teh u.