HLAZY 110:6 - Mara Bible RV (BSI)

⁶ Phopizy pachiapa ta, Athihpa rizy ta pabie aw ta; Alei kawh ngaitapa liata râh luhpazy A chhawh pathlah khai aw ei.

HLAZY 110:6 ပူးပေါင်းရင်းမြစ်များ

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

HLAZY 68:21

A chariahpazy deikua cha, Khazohpa ta ama luh chhawh pathlah aw ta, A thaileichâna lâpi a chhihpa hrôtô a chhawh pathlah aw.

HLAZY 68:22

Abeipa ta hetana heta a tah: “Bâsanâ râh tawhta a chhi heih aw ei na ta, Tilaipi athupa tawhta ei chhi heih aw ei.

ISAI 11:3

 lyna cha Abeipa china liata châ aw ta, A mo ta a hmôpa hawhta pachia leipa aw ta, A nah ta a theipa hawhta bietluna tao aw vei.

ISAI 2:4

Abeipa ta râhzy likah pachia aw ta, Phopizy likah aeinazy a pathlâ aw; Ama zaozizy cha leipaliena chhaichhi lâta palie aw ei ta, Ama aseizy chhao thochiah taina chaihrai lâta ama palie aw; Phopi nata phopi ta zaozi a hy thlu khao leipa aw ei ta, A dyuhzie chhao a chu khao aw veih ei.

ISAI 42:1

Nâ chakaotuhpa nata ei duakheipa he moh u la, Ei tlyhpa nata ei hro ta â ly ngaitapa he moh teh u. A chô liata ei Thlahpa soh na ta, Râhzy liata adona a tlôkhei aw.

ISAI 42:4

Alei chô liata adona a chareisa hlâlei cha, A thachhâ leipa aw ta, A hnabeidy aw vei; A ryhpa bie cha, Tilaipi kiah râhzy ta ama hâ thlâh ha aw.

ISAI 51:5

Ei siana a vaw hnia ta, Ei pachhana a vaw pua; Ei bâhzy heta phopizy chô liata ryureina dopa a patlôsa aw. Tilaipi kiah râhzy ta na mokhâh aw ei ta, Hnabeiseihpa ta eina hâ aw ei.

ISAI 66:24

“Pua aw ei ta, nâ dyuhtuhpazy ri ama moh tyh aw. Ama lôpazy thi leipa aw ta, ama mei pachhaipa châ hra leipa aw ta, chyhsa zydua châta hmo pasichhih ngaitapa ama châ aw,” Abeipa ta a tah.

EZEKIA 39:4

Izarei tlâhpizy chô liata pao aw chi ta, nâ nata na pheisaih zydua nata na hnohta a ypa phopizy nama pao khai aw. Nama rizy cha sa hei a niepa pavaw to nata râh sahrâhpa to nie awpa ta ei pie aw.

MIKÂ 4:3

Khazohpa ta phopizy likah liata bie pachia aw ta, Lâhlapi liata phopi thatlôpazy châta biepathluna a tao aw; Ama zaozizy cha, Leipaliena thua pazaopa lâta daih aw ei ta; Ama aseizy cha, Theilâ kô taina tâkô lâta ama daih aw. Râh kha nata râh kha zaozi a hy thlu khao leipa aw ei ta, Adyuhna kyh a chu khao aw veih ei.

HABAKU 3:13

Na phopi pachha awpa ta pua chi ta, Na sathawthupa pachha awpa ta na pua. Moleipazy pathlatuhpa luh cha, A zao khaina taihta charieh chi ta, A luh tawhta a padih taihta na parao khai haw. Selah

ZAWHÂNA 5:22

Paw ta ahy hmah pachia vei, pachiana zydua cha Sawchapawpa hnohta a pie khai haw.

BIEPHUAH 14:20

Khihpi khôtho lâta kre saohna khaoh liata kre cha tlypa ta saoh ei ta, kre saohna khaoh tawhna chata thisaih vaw pua ta, thisaih cha arâ chhâri taih a thu ta, lyu 1,600 a seih.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.

1 SAMUELA 2:10

Abeipa chariahpazy cha a tlawh ta keichheih aw ei ta, Âmo a dyuhpa ta avâ tawhta tôkalôhpa hawhta â thua thlu aw ei. Abeipa ta khizaw kaokih zydua pachia aw ta, Bei a paduapa hnohta thatlôna pie aw ta, A sathawthupa ki cha a cheihchalo aw.”