Ama nie vyuhzy cha Zawsi tlâhkhai tawhta rai ei ta, Benzami vyuh cha mohropazy vyuh hlâta a lie pangawh ta a hluh via. Chatanachata niepa ta doh ei ta, Zawsi hnohta a ly ngaitapa ta y ei ta.
Abeipa ku liata cha, Kresawhti pahâhpa nyu a y; Kresawhti cha a buchaphy pua ngâ ta, Abeipa ta patlai ta, Khizaw liata moleipa zydua ta doh ei ta, A chaopahrâ taihta ama doh khai haw.
Hy Zerusale, a hra la, Nâmasasyh ta a pahra la, a duah teh. Nâ, Abeipa ku tawhta a hiehâhna nyu doh chi ta, Biebuh chaopahrâ taihta dohpa ta, Paochheichhâna nyu a dohtuhpa y, A hra la, nâmasasyh ta a pahra mah y.
Nama Beipa Zehôvâh ta hetana heta tah ta, A phopi a reikheituhpa nama Khazohpa ta hetana heta a tah: “Paochheichhâna nyu nama ku tawhta la ha na ta, Ei hiehâhna nyu doh khao aw veih ei chi.
“Chavâta Abeipa Zehôvâh ta hetana heta a tah: Thokhy cha tlokhuh parao khai awpa ta, ei pathi iapa ta thlihpipa ru ngaitapa vaw pathlisa aw na ta, ei hiehâhpa ta avâ katlâ pasuasapa ta, ei pathi iapa ta pareih lai ngaitapa ei patlasa aw.
Potlana nata thisaih palopa ta ano cha pachia aw na ta, ano nata a pheisaihzy nata a hnohta a ypa phopi hluhpi chô liata vâkatlâ pasuasa aw na ta, pareih lai ngaitapazy patlasapa ta, mei nata kaihzy ei pasuasa aw.
Rônahna châ leipa ta, Nozana ta tlao na bie aw; Nâ chhao doh teh, Na thluahruana â lâna hâh ta! Abeipa ku chachâh lâta nyu cha, Nâ lâ a vy aw ta, Na rônahna cha nozana ta a khu aw.