HLAZY 109:12 - Mara Bible RV (BSI)

¹² A chô liata phana a palâsa awpa y khao leipa ei sala, A saw hârapazy a ngiachhie awpa y khah ei sy!

HLAZY 109:12 ပူးပေါင်းရင်းမြစ်များ

ZAWBÂ 5:4

A sawzy abohna tawhta lâhlapi ta y ei ta, Thokhy chhikao liata phypa châ ei ta, A pachha awpa ahy hmah y veih ei.

ISAI 13:18

Ama libawzy ta satliazy hriechheih aw ta, Chhi thei chô liata zawngiahna hnei leipa aw ei ta, Ama mo ta hawtizy ngiachhie hra aw vei.

ISAI 27:11

A chiahzy cha ama uah tita tlie ei ta, Chanôzy a vy ei ta tho châta ama pakhy tyh. Pahnona a hnei leipa phopi châ ei ta, Chavâta âmo a taotuhpa ta zawh a ngiah leipa aw ei ta, Âmo a paduatuhpa ta khohkhei aw veih ei.

ISAI 9:17

Chavâta Abeipa cha ama satliazy chô liata a ly leipa aw ta, Ama harapazy nata nôhmeizy chhao ngiachhie hra aw vei. Chyhsa to Khazohpa a pachâ leipa nata moleipa sai châ ei ta, Pakah to hruna bie a reihpa sai ama châ. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

MATHAI 27:25

Zawpi zydua ta, “A thisaih maoh cha keimo chô liata nata eima pathlazy chô liata y mawh sy!” tahpa ta a chhy ei ta.

LUKA 6:38

Pie teh u, chatanachata piepa ta nama y aw. Hnaohpa ta nata chalyupa ta nata a khô ngâpa ta panuana phapa cha, nama kalachhôh liata sopa a châ aw. Panuana nama hmâpa hawhta ama cha panuapa hra aw,” tah ta.

ZÂMIE 2:13

Zawngiahna a hnei leipa chyhsa cha, pachiana ta ano cha zawh a ngiah hra aw vei. Zawngiahna cha pachiana hlâta a rônah via.