HLAZY 107:7 - Mara Bible RV (BSI)

⁷ Lâdy lâta âmo cha a chhi ta, Pahrâ nawpa khihpi ama tlô hlâlei â chhi ei.

HLAZY 107:7 ပူးပေါင်းရင်းမြစ်များ

NEHEMIAH 11:3

Hezy he Zerusale liata a pahrâpa râh chhituhpazy ama châ. Izarei saw hropazy, theihthaipazy, Livai pathlazy, Achhyna o chakaotuhpazy nata Sawlawmaw chakaotuhpa pathlazy deikua cha Zudâh râh liata ama khihzy liata ama o chyu liata ama pahrâ.

HLAZY 107:36

Cha liata nodipazy pahrâsa ta. Pahrâ nawpa khihpi ama padua.

HLAZY 107:4

Thokha râhchawhpa nata râh raohpa liata viavi ei ta, Pahrâ nawpa khihpi lâpi hmô thei veih ei.

HLAZY 136:16

Râhchawhpa liata a phopi a chhihthatuhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 77:20

Mawsi nata Arawna ku ta, Mietaku zaw hawhta na phopi na chhihtha.

HLAZY 78:52

A phopi deikua cha mietaku hawhta puakhei ta, Mietaku zaw hawhta râhchawhpa liata a chhihtha ei.

ISAI 30:21

Chachâh lâ tlyma, chavei lâ tlyma, namâ heih nahta, nama nahzy ta, “He he lâpi a châ hih, he lâpi he a chhih teh u,” tahpa ta, nama hnôh lâ tawhta bie a vaw puapa nama thei aw.

ISAI 32:18

Ei phopi cha, Thlalôhna râh liata pahrâ aw ei ta; Abohna su liata pahrâpa ta, Apahâna sidiapa zy liata ama pahrâ aw.

ISAI 48:17

Abeipa ta hetana heta reih ta, Nâmo châ Chatlaituhpa, Izarei Mo Pathaihpa ta hetana heta a tah: “Kei he Abeipa na Khazohpa châ na ta, Na pha nawpa ta cha pachu na ta, Na sie nawpa lâpi liata châ chhihthatuhpa ei châ.

ZEREMIAH 31:24

Zudâh nata a khihpi zydua cha, cha liata hmaohkha ta pahrâ aw ei ta, lyutaopazy nata sahroh pasatuhpazy chhao hmaohkha ta ama pahrâ aw.

ZEREMIAH 31:9

Chana chôta ta a vy aw ei ta, Zawngiah awpa ta amâ hawna chôta Ei chhi pakhua aw ei. Izarei châta paw châ na ta, Epharai cha ei sawchapaw uhtheipa a châ; Chavâta vahtie ti lona kiahzy liata pasiesa aw ei na ta, Amâ chapia lei nawpa ta lâpi palâpa liata ei chhi aw ei.

ZEREMIAH 6:16

Abeipa ta hetana heta a tah: “Lâpizy liata a duahpa ta moh u la, Lâthlôh phapa yna lâhlôzy thâtih hiahri u la, Cha lâpi cha a chhih teh u; Nama thlahpa châta apahâna nama hmô aw,” tah ta. Châhrasala Izarei sawzy ta, “Cha lâpi cha a chhih aw ma pi,” tah ei ta.

MALUHREINA 9:22

Achhyna byureih chô liata meihdo cha noh no tlyma, thla kha tlyma, kô kha tlyma rai y sala, cha liata â chhoh ngâ thlâh ha khiahta cha, Izarei sawzy cha riehmo liata y thlâh ha ei ta, sie veih ei. Meihdo â pasâh nahta ama sie tyh.

HEBRAI 11:16

Châhrasala tahmâ cha, râh pha viapa a saduthliepa châ ei ta, cha cha vârâh liata a ypa a châ. Chavâta Khazohpa ta ama Khazohpa châ awpa a noza vei, ama châta khihpi taih a chhuahdy ha tlôh ta.

HEBRAI 12:22

Nâmo deikua la, Zaio Tlâh, Khazohpa hrohpa khihpi, vâ Zerusale, vâlyuhchâpa rei tiah leizy alyna pakhypi su lâ namâ vy hih.

2 PITY 2:15

Lâpi dopa tleisai ei ta, ama pavia haw. Hmo doleipa taopa tawhta athôhna hmô a tlaichhaipa Beô sawchapawpa Bâlâma lâpi amâ chhih.

2 PITY 2:21

Siana lâpi pahno ha tlôh ta, ama hnohta biepiepa pathaihpa pavaosapa a heihsai heihpa hlâta cha, siana lâpi pahno leipa ta vaw y lâlao ei sala ama châta a pha via awpa tlai.