HLAZY 107:38 - Mara Bible RV (BSI)

³⁸ Abeipa byhnâ vâta thata pôh ei ta, Ama sahrohzy a chokua awpa pasaih vei.

HLAZY 107:38 ပူးပေါင်းရင်းမြစ်များ

ÂTHAONA 1:28

Khazohpa ta âmo cha byhnâ awpa ta, ama hnohta, “Chi hluhpi pathlapa ta pôh u la, alei he biepa ta, nama rei sai ta paysa u la, tilaipi ngazy chô liata nata avâ pavawzy chô liata nata alei chô liata a pie thaipa hmohrohneipa to chô liata biehnei muh vy,” tah ta.

ÂTHAONA 12:2

“Phopi rônahpa ta cha tao aw na ta, Byhnâ ei cha pie aw; Na moh parônahsa aw na ta, Byhnâ na châ aw.

ÂTHAONA 17:16

Byhnâ pie aw na ta, ano chô liata sawchapaw ei cha pie aw. Byhnâ pie aw na ta, phopizy pathlatuhnô châ aw ta, phopi beizy ano tawhta ama pua aw,” tah ta.

ÂTHAONA 17:20

Ismela kyh liata chhao, na biereipa ei thei. Pachâ teh, ano chhao byhnâ ei pie haw. Chi hluhpi pathlasa aw na ta, ama maluh thata ei papôh aw. Bei pahrawh hleino pathlatuhpa châ aw ta, phopi rônahpa ta ei tao aw.

ÂTHAONA 30:43

Chatanachata Zakaw cha thata vaw hneirôh ta, sahroh zaw hluhpi, seichanôzy, seichapawzy, râraoseihpazy nata alâzy hnei ta.

ÂTHAONA 31:9

Cha hawhna chata Khazohpa ta nama paw sahrohzy cha lapa ta, kei eina pie haw.

ÂTHAONA 9:1

Khazohpa ta Nôah nata a sawchapawzy cha byhnâ awpa ta, ama hnohta, “Chi pathlapa ta pôh u la, alei he bie teh u.

ZAWBÂ 12:23

Phopizy parônahsa ta, A parao heih tyh ei; Phopizy palai ta, A papai hei hra ei.

PUASAINA 1:12

Châhrasala ama rie ama pathei via nahta, pôh via rilipa ta su to liata a hiepatla via rili ei ta. Chavâta Izi mo ta Izarei sawzy cha chihuh pathao ha ei ta.

PUASAINA 1:7

Izarei sawzy cha chi hluhpi pathlapa ta, thata pôh ei ta. Pôh via rili ei ta, ama thatlô ngaita ta, Izi râh cha âmo sai ta bie thlâh ha ei ta.

PUASAINA 12:38

Chihropa hluhpi nata sahroh hluhpi, mietaku zawzy nata viahchao hrizy chhao ama hnohta ama sie hra.

BIESOZY 10:22

Abeipa byhnâ cha chyhsa pahneirôhsa ta, Pachârôhna baichha tyh vei.

ZEREMIAH 30:19

Ama hry tawhta alyna bie reina hlazy vaw pua aw ta, Thaphapa ta awhna pyuzy a vaw pua aw. Ama maluh papôh aw na ta, Maluh chyhta châ aw veih ei; Parônahsa aw ei na ta, Anawhpa châ aw veih ei.

EZEKIA 37:26

Ama hnohta adyhna biehrai tao aw na ta, cha cha âmo châta chhâzaw biehrai a châ aw. Ama râh liata pahrâsa aw ei na ta, ama maluh papôh aw na ta, ama hry liata chhâzaw ta ei supathaihpa ei padua aw.

RYHPACHANEINA 28:11

Châ pathlatuhpazy hnohta pie awpa ta Abeipa ta bie â vaw taihpa râh liata Abeipa ta byhnâ hluhpi a cha pie aw ei. Nama sawteih nawhteih pha aw ta, nama sahrohzy pôh aw ta, nama chhaohlei a pathei aw.

RYHPACHANEINA 28:4

“Nama chhi theizy, nama chhaohlei theizy, nama sahrohzy, nama viahchaotaw nata nama mietakutawzy byhnâ topa ta y aw ei ta, ama pôh aw.

RYHPACHANEINA 30:9

Abeipa nama Khazohpa ta nama ku raihria zydua, nama chipathla, nama sahroh taw nata nama chhaohlei thei zy byhnâ pie aw ta, thata a papôhsa aw. Châ pathlatuhpazy chô liata â lypa hawhna khata, Abeipa ta byhnâ cha pie aw ei ta, nama chô liata â ly heih aw.

RYHPACHANEINA 7:13

Nama Khazohpa ta kyh cha pachâ aw ei ta, byhnâ cha pie aw ei ta, maluh a cha papôhsa aw ei. Cha pie awpa ei ta châ pathlatuhpazy hnohta bie â vaw taihpa râh liana cha nama chhi theizy, nama lei theizy, nama sâhzy, nama kresawhtizy nata nama sathawzy byhnâ pie aw ta, nama viahchao nata mietaku zawzy a papôhsa aw.

RYHPACHANEINA 7:14

Phopi hropa zydua hlâta byhnâ pie viapa châ aw ei chi ta, nama hry liata a chanô chapaw ta saw leipa rai y aw veih ei. Nama sahrohzy chhao choh tlâ aw vei.